Urteko lehen lan heriotza, urteak bederatzi dituela
Astelehenean langile bat hil zen Izarran, Kutxabanken bulegoan lanean ari zela. Euskal Herriko urteko lehen lan heriotza da, eta jakinarazi dutenez, istripu ez traumatiko batek eragin du. Iaz, lan heriotzen herena istripu ez traumatikoen ondorio izan zen. Arrisku psikosozialen areagotzea jo du arrazoitzat LAB sindikatuak, hala nola lan karga eta presio gero eta altuagoak.
Izarrako (Araba) Kutxabanken bulegoan jazo da Euskal Herriko urteko lehen lan heriotza, urtarrilaren 9an. R.U.S. langilea, 53 urtekoa, hilik aurkitu dute bulegoan astelehen goizean. Jakinarazi denez, lan istripu ez traumatiko baten ondorioz galdu du bizia.
2022a 69 lan heriotzekin itxi ostean, ez da denbora asko igaro lan heriotzen markagailua berriz martxan jarri arte. Izarrako langileak nola, iaz hildako langileen artetik, herenak lan istripu ez traumatikoen ondorioz galdu zuen bizia. Neoliberalismoari erantzuten dioten "lan karga eta presio gero eta altuagoak" daude lan istripu ez traumatikoen atzean, LABek egin duen irakurketaren arabera. Sindikatuak azpimarratu duenez, heriotza eragin dezaketen arrisku faktoreak dira lan zama eta presioa. "Gehien ugaritzen ari den arrisku faktorea psikosoziala da. Bere indizeek gora egiten dute irakurketa guztietan, eta hauek arazo kardiobaskularretan eragin zuzena dute".
Arrisku faktore psikosozialen igoerarekin lotu du Izarrako langilearen heriotza sindikatuak, adieraziz ez dela kasualitatea arrisku faktore horiek areagotu izana Kutxabank bezalako enpresa batean: "Pribatizazioak gizartean eragin duen galeraz gain, langileen lan baldintzetan eta bizi kalitatean ere eragina izan duelako: bulegoen ixteak eta plantilla murrizketak lan karga eta erritmoetan eragin zuzena izan dute, eta horrek lan arriskuak areagotzen ditu".
Zehazki, Kutxabankek egindako murrizketa zehatz batean jarri du fokua. Historikoki, gutxienez bi langile batera aritzeko segurtasun neurria egon da indarrean Vital Kutxan, harik eta Kutxabankek indargabetu zuen arte, "gastuak gutxitzeko" LABek salatu bezala. "Neurri hori ezabatu ez balitz, posible litzateke gaur heriotza baten aurrean ez egotea", azpimarratu du.
Heriotzaren aurrean, arrisku psikosozialak prebentzio txostenetan identifikatuta egon behar luketela, ebaluaketa psikosozialak egin eta neurri prebentiboak aplikatu beharko liratekeela gogorarazi du sindikatuak. Baina horren ordez, Kutxabankek arrisku berriak sortu eta segurtasun neurriak ezabatzen dituela iradoki du.
"Lan osasun arloan ia eskumen guztiak izanik, egokitu al du Osalan eta Ikuskaritzaren lana gero eta pisu handiagoa duen arrisku faktore honetara?", galdera aireratuz Jaurlaritza interpelatu du sindikatuak. Azalpenak, berehalako neurriak, benetako kontrola eta politika zehatzak eskatzen dizkiote.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.