Egitarau zabala prestatzen da bost egunetarako, hala nola, aurkezpenak, mahai-inguruak, hitzaldiak, emanaldiak eta tailerrak. Egitarau horren zati handi bat Azokan nobedaderen bat aurkeztu nahi duten sortzaileek osatzen dute, azken urteetan indarra hartzen ari diren espazioen bidez. Areto Nagusia, Kabi@, Ahotsenea, Azoka TB, Szenatokia, Irudienea, Saguganbara eta Plateruena dira guneak. Gehienetan tarte bat doan uzten zaie liburu, disko, ikus-entzunezko, antzezlan edo proiekturen bat aurkezteko interesa dutenei. "Eskaintza ere doakoa izan ohi da, salbuespenak egon arren”, diote antolatzaileek.

Deialdia zabaltzen denean, azokako webguneko, “guneak” atalean eman behar izena. Gune bakoitzari dagozkion argibideak ere bertan ikusi daitezke.

Informazio gehiago behar izanez gero, komunikazioa@durangokoazoka.eus helbidera idatzi edo 660 716 097 telefonora deitu dezakete interesa dutenak