Uriarte sailburua berriz agertu da Alarde diskriminatzailearen aldeko argazki batean
Cristina Uriarte Jaurlaritzako Hezkuntza sailburuak Alarde diskriminatzailea babestu zuen Hondarribiko Kale Nagusian irailaren 8an, zenbait ordu lehenago Jaizkibel Konpainiaren kontrako irainak, txistuak eta plastiko beltzak zabaldu zituzten leku berean, sare sozialetan zabaldu den argazki batek erakusten duenez.
Hondarribiko Alarde diskriminatzailearen Instagram kontuak irailaren 8ko zenbait argazki publikatu ditu ostegun honetan, gizonak nagusi diren desfilea babesten duten emakumeei eskerrak emanez. “Alardea urtez urte zuei esker ospatzen da. Zuek zarete Hondarribiko Alardearen benetako funtsa”, dio zabaldutako mezuak eta argazkietako batean Cristina Uriarte Jaurlaritzako Hezkuntza sailburua agertzen da irribarrez.
Uriartek Hondarribiko Alarde diskriminatzaileari emandako babesak polemika eragin du aurten. Uztailean, emakumeei kantinera gisa bakarrik parte hartzen uzten dien desfilearen antolatzaileek Facebooken duten orrian agertu zen haren argazki bat. Arrazoia: Uriarteren alaba aurten konpainia baztertzaile batean kantinera gisa desfilatzeko aukeratu zutela.
Konpainia diskriminatzailearen whatsapp mezua
Polemika piztu eta zenbait egun geroago, El Diario Vasco egunkariari egindako adierazpenetan, Uriarteren alabak baieztatu zuen sailburuak Alarde diskriminatzailearekin daukan harremana: “Banekien botazioaren eguna zela baina nire lagunarekin joan nahi nuen ospatzera [hura ere kantinera izendatu zutela]. Amak ez zidan uzten eta esaten zidan itxaroteko. Whatsapp bat iritsi zitzaion, erakutsi zidan eta oso pozik jarri nintzen”.
Steilas sindikatuak larritzat jo zuen Uriartek Alarde diskriminatzaileari emandako babesa eta galdetu zuen “zer mezu transmititu nahi dion” sailburuak hezkuntza komunitateari berdintasun politiken inguruan. Sailburuak, bere aldetik, gaia “kontu pribatua” dela azpimarratu zuen.
Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi... [+]
Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak... [+]
«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta... [+]
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.
Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.
Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute... [+]
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu... [+]
Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.