“Zein mezu bidali nahi ote dio hezkuntza komunitateari, egiten diren berdintasun politiken inguruan?”. Hezkuntza arloko Steilas sindikatuak gogor salatu du Cristina Uriarte Jaurlaritzako Hezkuntza sailburuak Alarde Tradizionalaren ekitaldietan parte hartu izana.
Steilaseko Emakume Idazkaritzak “larritzat jotzen du edozein kargu publikok bere presentziaz alarde tradizionalaren praktika baztertzaileen alde egitea. Eta are larriagoa da Hezkuntzako Sailburua izatea modu aktiboan parte hartzen duena. Hezkuntza sailburuak ez ote luke salatu beharko alarde misto eta berdinzalean parte hartzearen alde egiten dutenek jasaten dituzten erasoak? Eusko Jaurlaritzak ez al du onartu behar Euskadiko Justizia Auzitegi Nagusiak alarde mistoaren alde emandako epaia, ospakizun publiko batean genero arrazoiengatik ezin dela bazterketarik egin arrazoitzen duena?”
“Alardea ez da soilik jai bat”
“Indarkeria sinboliko eta errealaz ari gara, bere puntu gorena desfilearen egunean gertatzen dena baina alarde mistoaren alde egiten dutenek urtean zehar ere jasaten dutena. Biolentzia hau, geletan, kalean, etxean, koadriletan eta bizitzako eremu guztietan islatzen da”. Ildo horretan, kezka agertu du sindikatuak, “izan ere, Alardea ez da soilik jai bat, eredu maskulino hegemonikoaren ‘auoafirmazio kolektiboaren errituala’ da (klasista, arrazista, LGTBIfobikoa…) eta tradizioa mantentzearen aitzakian gizarte heteropatriarkalaren nukleo gogorra betiko indartu egiten da”.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.