UPN eta PP berriz joango dira elkarrekin hauteskundeetara Nafarroan
Lehenbiziko unean Espainiako hauteskundeetan elkarrekin joango zirela iragarri zen, baina alderdi biek berehala zehaztu dute maiatzeko foru eta udal hauteskundeetara ere elkarrekin aurkeztuko direla. Ez dago oraindik argi eskaintzan PPk bere siglei eutsiko dien edo ez.
Bi alderdi eskuindarrek berreskuratu egingo dute, beraz, 1991tik eta 2008ra arte izan zuten aliantzari. Garai horretan Nafarroako eskuinak bere emaitzik oparoenak lortu zituen. Baina 2008an PPk eta UPNk aliantza apurtu zuten, alderdi erregionalistako Miguel Sanzek PSOEren Espainiako Gobernuaren 2009ko aurrekontuak onartzeko ateak zabalik utzi zituelako, baldin eta sozialistek haien eskakizunak betetzen bazituzten.
Horrekin, Miguel Sanzek PSNrekin azken bi hamarkadetan zeramana elkarlan politika babestu nahi izan zuen aurrera begira, honek Nafarroarentzat oso emaitza onak izan zituelako. Gerora Nafarroako corralito ospetsuaren oinarrietakoa zen UPN-PSN ardatza.
PPren gainbera, dena den, etengabekoa da harez geroztik eta azken foru hauteskundeetan bi parlamentari besterik ez zuten lortu, eta hurrengoetarako inkestetan bat bera ere ez lortzeko iragarpenak ere entzun izan dira. Datozen foru eta Espainiako hauteskunde orokorretan eskuin eta eskuin muturreko esparruan beste bi alderdi ere izango dira, Vox eta Ciudadanos. 2015ean azken alderdi hau 200 botoengatik gelditu zen parlamentaririk gabe.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.