Uniformeak eskola guztietan: zer dago Frantziako Gobernuak ezarri nahi duen neurriaren atzean?
Ikastetxe guztietako ikasleek uniformea eraman beharko dute 2026tik aurrera, Frantziako presidenteak iragarri duenez. Hainbat hezitzaileri galdetuta, "aniztasunaren kontrako neurria" dela garbi dute. Identitatea erakusteko eta espresatzeko modu bat da arropa, eta ikasle guztiak uniformizatu, homogeneizatu eta subjektibotasun oro ezabatu nahi du Macronen Gobernuak.
aurre egingo dieten hedabide independenteak
Klase sozialen arteko desberdinkeria ezabatzeko helburuz erabaki daiteke ikasleei uniformea ezartzea, baina Emmanuel Macron presidentearen diskurtsoa osorik entzunda, ez dirudi xedea hori denik. Diskurtsoan zerrendatzen dituen asmo eta erabakiak aintzat hartuta, "dena da multzo bat, eta multzo horrek ematen dio zentzua uniformearen neurriari, ikuspegi bati erantzuten dio, eta ulertzen dugu ez duela funtzio sozial bat, helburua aniztasuna ezabatzea dela, ikasleak uniformizatzea. Arroparen bidez, identitatea erakusteko moduak bilatzen ditu jendeak, eta uniformearekin hori estaltzen da", adierazi digu Amelia Barquin hezitzaileak.
"Ezabakeria eta homogeneizazio horretan, ziurrenik badira asmo batzuk: ez dadila hijabik ikusi, ez dadila ikusi oihal afrikarrik, ezabatu daitezela beztitzeko molde urbano zenbait (klase sozialarekin eta beste jatorritako herritarrekin zerikusia izan ditzaketenak)...", iritzi dio Nora Salbotx hezitzaileak. Neutraltasunaren izenean, ezabakeria ikusten baitu Salbotxek, arrazakeria eta klasismoa ardatz.
Gure itxura eta gorputza kudeatzeko modua, batez ere adin jakin batzuetan, espresatzeko eta adierazteko modu inportantea da, agian beste eremu batzuetan ez dugun askatasuna janzkeran baliatzen dugu horretarako, eta horri guztiari kontra egiten dio neurriak, azaldu du Barquinek. Uniformea ikuspegi sozio-ekonomiko batetik defendatuta ere, "klase sozialak beti bilatzen ditu moduak bere distira erakusteko", dio, zapata eta motxila garestien bidez, esaterako.
"Ezabakeria eta homogeneizazio horretan, ziurrenik badira asmo batzuk: ez dadila hijabik ikusi, ez dadila ikusi oihal afrikarrik, ezabatu daitezela beztitzeko molde urbano zenbait..."
Neskek gona, mutilek prakak?
Uniformeek binarismoa indartuko duten susmoa eta kezka ere agertu dute bai Barquinek bai Salbotxek: neskentzat arropa bat, mutilentzat beste bat.
Eskolaren instrumentalizazioa ere kritikatu du Salbotxek: "Diskurtsoan, Macron mintzo da ordenaz eta segurtasunaz, hobeto armatzeaz, mugak hobeki kontrolatzeaz, droga kontrol gehiago egiteaz, Polizia bikoizteaz, hezigabeak diziplinatzeaz… eta diziplinatze horretarako erabiliko duen tresnen artean eskola aipatzen du, inongo erreparorik gabe. Brigitte Vasallok eta bertze hainbatek salatu izan dute, estatuak diziplinatze tresna batzuk erabiltzen dituela bere begirada inposatzeko, tartean eskola. Horren adibide garbia da hau".
Frantses nazionalismo eskuindarrean heztea xede
Uniformearen neurriarekin batera, Lehen Hezkuntzan La Marseillaise ikastea edota lizeoko ikasleek zerbitzu nazionala egitea aipatu ditu Macronek, besteak beste. Finean, badirudi haur eta gazteak frantses nazionalismo eskuindarrean hezteko tresna bilakatu nahi dituela ikastetxeak Frantziako Gobernuak, eta hala berretsi digu Peio Jorajuria Seaskako lehendakariak: "Bai hitzaldian bai eszenografian, biziki kontserbadorea eta frantses nazionalista izan da mezua, eta hori da hezkuntzaren bidez egin nahi duena, frantses nazionalismoa garatu, ikasle guztiek nazionalismo hori barneratu dezaten. Guretzat biziki kezkagarria da, baina ez gaitu harritu, azken urteetan bide hori jarraitzen ari baita Gobernua".
"Hezkuntzaren bidez nahi da ikasle guztiek frantses nazionalismoa barneratzea. Guretzat biziki kezkagarria da, baina ez gaitu harritu, azken urteetan bide hori jarraitzen ari baita Gobernua"
Seaskari nola eragingo dion galdetuta, "kontratupeko eskola garenez, eragin eragiten digu, legea aplikatu behar dugu", erantzun du, "baina gauza bat da komunikatzen dena eta bestea azken testuan joango dena, urteotan beste adierazpen gogor batzuk ere egin izan baititu eta gero ez da esandako guztia aplikatu; ikusiko dugu zein den azken testua eta zer den eta nola aplikatu behar dena".
Emmanuel Macronen hitzetan, bi urte barru janzkera bakarra sartuko da indarrean Frantziako estatuko ikastetxeetan, baina asmoa da aurretik ehun bat ikastetxetan proba egitea, eta uniformearen erabilera ongi baloratzen bada, neurria gainerako eskoletara zabaltzea.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Espainiako Estatuko presidente Pedro Sanchezek duela sei hilabete agindu zuen “txiringito pribatuei” muga jarri behar zitzaiela. Tamaina, irakasleak, ikerketa eta finantziazio kaudimena dira ezarri berri diren oinarrizko baldintzak.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.