Ukrainaren “lurralde batasuna” lehenetsi behar dela esan dute nazioarteko goi bileran, adostasunik gabe
Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.
Adostasun erabatekorik gabe amaitu da joan den asteburuan egindako goi bilera. Herrialdeen gehiengoak sinatu du azken dokumentua, 90etik 80k gutxi gorabehera, baina hainbat herrialde esanguratsuk, Txinak, Indiak, Hegoafrikak, Saudi Arabiak, Arabiar Emirerri Batuak eta Mexikok esaterako, ez dute adostasunik erakutsi. Brasilek, esaterako, "ikuskatzaile" gisa hartu du parte goi bileran.
Lurralde batasuna eta presoen askatasuna
Bakea negoziatu ahal izateko, dokumentuaren arabera, Ukrainaren "lurralde batasuna" lehenetsi behar da, hain justu ere Vladimir Putinek nahi ez duena. Putinek berriki esan du balizko bake akordio bat sinatuko lukeela baldin eta Ukrainako soldaduek Luhansk, Donetsk, Kherson eta Zaporizhia eskualdeetatik hanka egingo balute eta Ukrainak NATOn sartzeari uko egingo balio. Ez da, jakina, Ukraina NATOn sartzea galaraztea aurreikusten Suitzako tankerako goi bileretan.
Horrez gain, dokumentuak ere badio merkantzia ontziak, portuak eta azpiegitura esanguratsuak ezin direla kaltetu. Auzi nuklearrari dagokionean, "kontu handiz" ibiltzeko eskakizuna egiten du idazkiak, eta esplizitatzen du Zaporizhiako zentral nuklearrak ukrainarren eskuetan egon behar duela uneoro –gaur egun errusiarren eskuetan dago–.
Azkenik, gerra testuinguruan atxilo hartu eta bahitu dituzten pertsona ororen askapena eskatu du idazkiak, eta truke forma baliatzeko. Datu bat ematen dute horri lotuta: 20.000 haur ukrainar daude legez kanpo deportaturik. Horiei ezin zaiela bizkar eman adierazi dute idazkia sinatu duten herrialdeek.
Hurrengo bileran Errusia ere eseriko da?
Airean dago galdera hori. Bistakoa da, bi aldeen adierazpenak ikusita, ez dagoela adostasunerako bide argirik, baina goi bileran parte hartu duten hainbatek prentsaren aurrean iradoki dute hurrengo balizko bileran Errusiak ere eseri beharko lukeela. Suitzako goi bilera horretara ez dute gonbidatu, antolatzaileek espero zutelako Putinek uko egingo ziola gonbitari.
Natasa Pirc Musar Eslovakiako presidenteak zera esan du: "Hurrengo kongresua ezin daiteke egin Errusiaren parte hartzerik gabe; etsaiarekin hitz egin behar da". Eta jarraian, AEBetako Segurtasun Nazionaleko ordezkariak zera: "Ukrainak esan du gerra honi akabera eman behar zaiola negoziaketa bidez; beraz, horrek Errusiarekin hitz egitea ere barnebiltzen du".
Ez dago argi, ordea, bilera gehiago egongo denik. Suitzan sinatu den dokumentuak ez du eperik ezartzen. El Diario-ren arabera, bilkura horretan Ukrainak espero zuen hurrengo bileraren lekua zehaztuko zela, eta Jidda –Saudi Arabia–, Kopenhage –Danimarka–, Malta edo Davos –Suitza– hirien artean egongo zela. Baina inork ez du urratsik eman, eta egoera ziurgabetasunak tindatzen du orain.
600 misil eta dronetik gora bota ditu Errusiak Ukrainako hiriburuaren aurka. Gerra hasi zenetik egindako aire eraso handienetakoa da. Zelenskik nazioarteari eskatu dio erantzun dezala, Putin Trumpekin bildu eta bi aste eskasera.
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Arabiar Emirerri Batuen bitartekaritzarekin lortu dute preso trukea gauzatzea. Zelenskik adierazi du Ukrainak "askatasunaren alde" borrokatzen jarraituko duela, herrialdeak independentzia aldarrikatu zuenetik 34 urte bete direnean: "Bakea behar dugu, eta gure... [+]
AEBetako presidentea Zelenskirekin eta Europako haren aliatuekin bildu da astelehenean, Etxe Zurian. Badirudi Trumpek ontzat jo duela Vladimir Putinek ostiralean izandako bileran proposatutakoa: Ukrainako gerra amaitzeko Kiev "lurralde truke posibleez" hitz egiteko gai... [+]
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]