Ukrainara tankeak bidali edo ez, gerrako eskalada eragin lezakeen auzia
AEBek eta aliatuek dituzten Leopard 2 tankeak eskatu ditu Ukrainak, baina Alemaniak eman behar du baimena, ekoizlea delako. Alemaniak zalantza du, gerran eskalada ekarriko lukeelakoan; NATOk jakinarazi du “laster” konponduko dela tankeen blokeoa. Errusiak ohartarazi du tankeak bidaltzeak “iragarri ezin diren ondorioak” izango dituela.
Leopard 2 tankeen afera Ukrainako gerran desadostasunak eragiten ari da. Ukrainako presidente Volodimir Zelenskik tankeak eta armamentu astuna eskatu dizkie AEBei eta Mendebaldeko estatuei, esanez beharrezkoak direla Errusiak udaberrian hasiko duen erasoaldiari aurre egiteko. Tanke horiek AEBek, Kanadak eta Europako zortzi estatuk dituzte –Alemania, Espainia, Danimarka, Finlandia, Grezia, Norvegia, Polonia eta Suedia–, baina guztiek Alemaniaren baimena behar dute Ukrainara bidaltzekotan, bera baita tankeen ekoizlea.
Hor sortu da eztabaida: Alemaniak zalantzak ditu, eta eskaria blokeatuta dago. Ostiralean bildu zen Ukrainari laguntza militarra ematen dioten herrialdeen 40 bat bitartekariko taldea, AEBek Alemanian duten Ramstein-eko base militarrean, eta Alemaniako Defentsa ministro Boris Pistorius-ek zera esan zuen, Berriak jaso duenez: Ukrainaren erasorako gaitasunaren gainetik defentsakoa lehentsi beharko litzakeela.
Alemaniak ez du argi ikusten tankeak bidaltzea, gerrak eskalada ekarriko lukeelakoan, baina, aldi berean, ez du oztoporik jarriko baimena eskatzen duten herrialdeekin hitz egin eta hori ahalbidetzeko. Europar Kontseilua, NATO eta AEBak prest daude tankeak bidaltzeko, eta presioa egiten ari dira Alemaniari. Astearte goizean NATOko idazkari nagusi Jens Stoltenbergek, Alemaniako Pistorius ministroarekin bildu ostean, ziurtatu du espero duela “laster” konponduko dela tankeen blokeoa, The Guardianek jakinarazi duenez.
Ukraina armez hornitzen
Aliatuak prestatzen ari dira Leopard 2 tankeak Ukrainara bidaltzeko, eta Alemania baldintzei buruz hitz egiten ari da. Stoltenbergek, ordea, azpimarratu du “presazkoa” dela blokeoa amaitzea, “Errusiaren hurrengo ofentsiba geldiarazteko”. Poloniak jada adierazi du baimenik gabe ere bidaltzeko prest dagoela. Ukrainak tanke horiek eskatzen ditu, esanez Errusiaren aurrean ahul dagoela horiek gabe. Leopard 2 tankeek 120 milimetroko kanoia dute, eta milaka metrora tiro egiteko ahalmena, Publico hedabideak zehazten duenez.
Horrez gain, Europako Batasuneko Kanpo Harremanetako ministroek adostu dute beste 500 milioi euro bideratzea Ukraina armaz hornitzeko laguntzara, astelehenean Bruselan egindako bileran. Bakerako Europaren Funtsaren bidez dagoeneko 3.600 milioi euro eman dizkiote Ukrainari, armamentuan erabil dezan.
Errusiaren erantzuna
Ukrainara bidaliko lituzketen tankeen kopurua ere erabakigarria izango da gerrako eragina neurtzeko. Alegia, herrialde gutxi batzuenak bidaltzen badituzte, baliteke Errusiari eraso egiteko nahikoa ez izatea. Kontuan izatekoa da Alemaniak dituela tanke gehienak, eta momentuz, ez du Ukrainari bereak emateko asmorik.
Errusiako Kanpo Harremanetako ministrorde Sergei Riabkov-ek ohartarazi du tankeak Ukrainara bidaliz gero “iragarri ezin diren ondorioak” egongo direla, eta gerraren eskalada “biderik arriskutsuena” dela, Naizek argitaratu duenez. Zehatzagoa izan da Dimitri Medvedev, Errusiako presidente ohia eta Segurtasun Kontseiluko presidenteordea: “Gerra konbentzional batean potentzia nuklear batek –Errusiak– porrot egiteak gerra nuklearra lehertzea eragin lezake”.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.