“Zelenskik ez du Poloniara ihes egin, Kieven jarraitzen du”, errusiarren esanak gezurtatu ditu legebiltzarrak

Zuzeneko jarraipena
  • Ukrainako gerra egunetik egunera aldatzen doa. 2014an independentzia aldarrikatu baina linboan geratu ziren Donetsk eta Luhanskeko herri errepubliken independentziak onartu eta guda hasi zuen Errusiak. Mendebaldeak zigor ekonomikoen bidez erantzun du Ukraina ekialdeko errepubliken independentzia aitortzari.

    Atzo itxitako jarraipenera lotura hemen duzu.

Zelenskik ez duela Ukrainatik ihes egin adierazi du herrialdeko Legebiltzarrak

Arratsaldean Moskuko agintariek prentsaurrean esan ostean Zelenski presidenteak herrialdea utzi eta Poloniara joan dela, hau gezurtatzera atera dira Ukrainako legebiltzarkideak.

Errusiaren informazioei aurre eginez, adierazi dute Zelenskik ez duela Poloniara ihes egin eta Kieven jarraitzen duela.

NATOk dio ez duela Errusiarekin gerrarik nahi

NATOko herrialdeetako atzerri ministroek bilkura izan dute gaur, eta Ukrainako gerraz mintzatu dira. Jens Stoltenberg idazkari orokorrak bilkura ostean egindako adierazpenetan esan du NATO "defentsarako" aliantza dela, eta parte diren estatuak salbu mantentzea dela bere egitekoa. "Ez gara gatazka honen parte, eta gehiagora joan ez dadin eta Ukraina gaindi ez dezan erantzukizuna gurea da".

Ukraina gaineko aire-espazioa ixteaz mintzatu badira ere, erabaki horrek Europan gerra zabaltzea ekarriko lukeela-eta baztertu dutela azaldu du Stoltenbergek. Era berean, adierazi du NATOren hegazkinak ez direla Ukrainako aire-espazioan sartuko, ezta topak Ukrainako lurraldean ere.

Zelenski presidentea Ukrainatik Poloniara joan da, Errusiako TASS berri agentziaren arabera

Viatxeslav Volodin Errusiako Dumako lehendakariak iragarri du Ukrainako presidente Zelenski Poloniara joan dela, Ukraina utzita.

Errusiako TASS berri agentziak konfirmatu du.

Nazio Batuen Giza Eskubideen Kontseiluak Errusiaren erasoak ikertzeko komisio bat eratuko du

Errusiak Ukrainan egindako balizko giza eskubideen urraketak eta gerra krimenak ikertzeko komisioa eratuko du Nazio Batuen Giza Eskubideen Kontseiluak. Errusiar Federazioak eta Eritreak soilik bozkatu dute proposamenaren aurka, 13 herrialdek abstentzioa eman dute eta 32k baiezkoa.

Yurii Sheliazhenko, Ukrainako kontzientzia eragozlea: "Hedabideek alde batera utzi dute indarkeriarik gabe gudaren aurka egiten ari garen erresistentzia"

Yurii Sheliazhenko Ukrainako Mugimendu Bakezaleko idazkari nagusi eta Kontzientzia Eragozpenerako Europako Bulegoko batzordekide da. Kieven dago, eta Errusia Ukrainako hiriburua hartzeko saiakera betean den bitartean egina da elkarrizketa hau. Kultura gerrazalea indartsu sumatzen den garaiotan, egoeraz egiten duen irakurketa bakezaleak apenas duen lekurik hedabideetan. Oso kritiko da Zelenski presidentearekin, baita Putinetin, NATOrekin eta AEBekin ere, militarismoan sakondu besterik ez dutela egiten, bere hitzetan.

Irakurri hemen osorik Democracy Now hedabideko Amy Goodmanek eta Juan Gonzálezek egindako elkarrizketa.

Zaporizhia zentral nuklearraren kontrola hartu du Errusiak

Ukraina hego-ekialdeko zentral nuklear handi baten kontrola eskuratu dute Errusiako indar militarrek, eskualdeko agintariek iragarri dutenez. The Guardianek eman du informazioa.

Goizeko ordu txikietan sua piztu da zentral nuklearrean, Errusiarren bonbardaketa baten ondorioz. Sua itzaltzea lortu dutela adierazi dute Ukrainako larrialdi zerbitzuek, eta erreaktore nuklearrak arriskuan ez daudela ziurtatu dute.

Zaporizhiako zentral nuklearra da Europako handiena eta munduko hamar handienetarikoa. Bere 6 erreaktoreekin sortzen du Ukrainak kontsumitzen duen argindar guztiaren laurdena, energia atomikoz ekoiztuaren erdia. Zenbait informazioren arabera, erreaktoreetako bi itzalita zeuzkan azken aldian.

"Espioitza" delitua leporatu dio Poloniak Pablo Gonzalez kazetariari
Pablo Gonzalez kazetaria, bere sare sozialetan igo zuen argazki batean.

Gonzalo Boye abokatuak Twitterren azaldu duenez, espioitza delitua leporatu diote Pablo González kazetari bizkaitarrari. Behin behinean kartzelan sartu dute. Otsailaren 28an atxilotu zuten, Ukrainako gerrari buruz informatzen ari zenean. 

Irakurri hemen albiste osoa.

Lehen akordioak negoziazioetan, zibilen ebakuazioekin eta lehengaien garraioarekin lotuak; iturri errusiarren arabera

Negoziazioak amaitu dira eta lehen akordio batzuk lortu dituzte, Inna Afinogenova kazetari errusiarrak jakinarazi duenez:

Korridore humanitarioak antolatzea adostu dute. Korridoreak gatazka guneetan antolatzen dira zibilak ebakuatu ahal izateko eta lehengaiak sartzeko inguratuta egon ohi diren guneetan.

Zibilak ebakuatzeko eremuetan aldi baterako su-etenak adostu dituzte.

Gatazka guneetara produktu eta medikamentuak garraiatzea.

Datarik zehaztu ez duten arren, hirugarren bilera bat egitea ere adostu dute. Azken puntu hau Reuters agentziak ere zabaldu du.


Kanal honetatik interesatuko zaizu: Ukrainako gerra
Ukrainaren “lurralde batasuna” lehenetsi behar dela esan dute nazioarteko goi bileran, adostasunik gabe

Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.


Ukrainak EBko armamentuarekin Errusiako lurraldeari eraso egitea babestu du Borrellek

EBko atzerri- eta segurtasun-politika arloko ordezkari Josep Borrellen hitzak azken asteotako eskalatzea elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua... [+]


Zer dira Mendebaldearen mehatxuei erantzuteko Errusiak erabiltzekoak dituen arma nuklear taktikoak?

Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]


2024-04-24 | Axier Lopez
Propagandarako tresna berria Ukrainan

Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]


2024-04-24 | Axier Lopez
Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]


Eguneraketa berriak daude