Uholdeek 4 milioitik gorako kalteak utzi dituzte Baztanen eta Luzaiden
Joan den asteko uholdeen ostean, Nafarroako Gobernuak 4 milioitik gorako kalteak zenbatu ditu Baztaneko eta Luzaideko inguruetan. Azpiegitura-kalteak konpontzeko 1,6 milioi beharko dira eta Tokiko Inbertsio Planaren bidez egingo dira konponketa-lanak.
Asteazkenean Elizondon uholdeek utzitako kalteak bisitatzen izan ziren Jose Javier Esparza Nafarroako Garapen eta Toki Administrazio kontseilaria, Javier Morras Justizia kontseilaria, Luis Aguilera Espainiako Barne Ministerioko idazkariordea eta Carmen Alba Espainiako gobernuaren ordezkaria.
Aguilerak adierazi zuen, duela urte batzuk Madrilek legea aldatu zuenetik, hondamendi-eremu izendatzea ez dela posible eta horren ordez, diru-laguntzak banatzen direla egun. Hauek eskatzeko formularioak udalen eskuetan aurki utziko dituztela adierazi zuen, eta herritarrek hilabeteko epea izango dutela eskariak egiteko.
Esparzak, bere aldetik, azaldu zuen Nafarroako Gobernuak aparteko diru-laguntzak emateko eskaera egingo diola Espainiako Gobernuari hilaren 16an.
1,6 milioi azpiegitura-kalteak konpontzeko
Azpiegituretan izandako kalteak konpontzeko 1,6 milioi beharko dira Nafarroako Gobernuaren arabera. Baztanen, kaltetutako 13 zubi eta errepideak egokitzeak ia milioi bat inguruko kostua eragingo du. Horrekin batera, hornikuntza-sarea eta saneamendu-sarea konpontzeko erabiliko da dirua.
Luzaiden, aldiz, 500.000 euroko kalte-ordainak aurreikusi dituzte euriteek puskatutako harri-lubetak eta bideak konpontzeko.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.
Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.
Departamentua alerta laranjan jarri du Pirinio Atlantikoetako prefeturak euriagatik uholdeak sor daitezkeelako. Alerta gutxienez gaueko 21:00ak arte dago ezarria.
Uretako babes indibidual eta kolektiborako material “egokia” eskatu dute, bestela gaueko esku-hartzeetan segurtasuna “arriskuan” baitago. ELA sindikatuak ohartarazi du 2017an ere zuzendaritzan salatu zutela egoera bera, baina ez dela irtenbiderik eman.
Eurite iraunkorrengatik alerta laranjan daude Gipuzkoa, Bizkaia eta Araban, baita Nafarroa iparraldean ere. Hainbat tokitan ibaiek gainezka egin dute Euskal Herri osoan eta luiziek trabak eragin dituzte garraiobideetan.
Bi herritar hil dira azken egunotako euriteek eragin uholdeen ondorioz. Bata Sunbillako emakume bat luizi batek harrapatuta, eta bestea, Elizondokoa, Lesakara bidean zela desagertu eta Bidasoa ibaian aurkitu zuten hilotz. Kalte materialak leku ugaritan eragin ditu, izan Lapurdin... [+]