Ostegun arratsaldean, Iruñean, emaria 50 m3/s-koa zen; gaur, 528,9 m3/s-koa da. Runa parkearen eta Gaseko eskorten inguruan aparkaturiko autoak erretiratzeko eskatu du Udaltzaingoak
Arga ibaia gainezka egiten ari da Burlatan eta Iruñeko Arrotxapea auzoan, zenbait entzulek bidali dizkiguten argazkietan ikus daitekeenez. Atarrabian ere arazoak dauzkate.
Ez da harritzekoa, aintzat hartuz Argaren emaria azken 12 orduotan hamar aldiz biderkatu dela: bart arratsaldean, Iruñean, emaria 50 m3/s-koa zen; orain, 528,9 m3/s-koa da. Grafika Nafarroako Gobernuaren webgune honetan ikus daiteke.
Beste datu bat: Donezteben, metro koadroko 110 litro bota ditu azken 24 orduotan.
Hori horrela, Runa parkearen eta Gaseko eskorten inguruan aparkaturiko autoak erretiratzeko eskatu du Udaltzaingoak.
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.
Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.