Udalekuak, haurrentzat soilik?
Badator uda! Urte osoan zehar egindako lan piloaren ordaina: atseden preziatua. Eguzki pixka bat hartu, paseatu, irakurri, leku berriak ezagutu, festarik festa ibili... Lagun berriak egin, egindako lagun berriekin kontaktua ez galtzeko helbideak bildu (helbide elektronikoak esan nahi nuen, XXI. mendean gaude eta!), igerilekuan edota errekan bainatu, jolastu, maitemindu... Pixkanaka denok barruan omen daramagun haurra esnatzen ari dela dirudi, eta txikitan ezagututako udalekuak gogora etorri direla. Baina, haurrentzat ote dira soilik?
Orain arte hala izan da. Udalekuak haurrentzako aisialdi leku gisa ulertu ditugu beti. Haur horien gurasoentzako aisialdi edo tregua gisa ere bai, agian. Baina haurrekin lotuta beti ere. Modu askotako udalekuak daude, gainera. Alde batetik, udaleku irekiak izenarekin ezagutzen direnak. Hau da, hamabost egunetan edo hilabete batean zehar egun erdi bat (goiza edo arratsaldea) hartzen dutenak, herrian bertan. Herri eta hirietako udalek, Urtxintxa Eskolak edota Topagunea Euskara Elkarteen Federazioak antolatzen dituzte, besteak beste. 3 eta 12 urte bitarteko haurrentzako prestatuak izaten dira normalean.
Bestalde, udaleku itxiak edo herritik kanpoko aterpetxe batean egiten diren egonaldiak daude. Hauen artean ere mota askotako formatuak aurki daitezke. Euskal Udalekuek eskaintzen dituzten egonaldiek, adibidez, 7 eta 17 urte bitarteko haur eta gaztetxoek euskaraz bizitzen ikas dezaten dute xede. Eziko Udalekuak berriz, guraso batzuen ekimenez sortutakoak dira, eta 9 eta 16 urte bitarteko haurrek ondo pasatzeaz gain, euskal nortasuna, giza baloreak eta familia giroa sendotzea dute helburu. Foru Aldundiak ere, haur eta gaztetxoentzako eskaintza zabala du, Euskal Autonomia Erkidegoan zein Nafarroan banatzen diren hainbat aterpetxeetan. Azken hauek 7 eta 13 urte bitarteko haurrentzako zuzendutako udalekuak dira, baina eskaintza zabalagoa ere badago, beste adin tarte batzuetako gaztetxoentzako.
Zaharxeagoentzako berriz, auzolanerako boluntario gisa joatea izaten da ia aukera bakarra. Eusko Jaurlaritzak duen Euskadiko Gazteen Atarian adibidez, hainbat auzolandegi aurki daitezke. Baina beste toki askotan ere eskaintzen dira boluntario gisa aritzeko lekuak.
Orain ordea, helduentzako udalekuak ere sortu dira. Oñatiko gazte talde baten ekimena da, eta uztailaren 15etik 31ra bitartean Oñatin bertan egingo den egonaldia eskaintzen dute, kasu honetan, 17 urtetik gorakoentzat. Lehenago udalekuetan haur gisa eta ondoren, begirale gisa uda ederrak pasa dituzten gazte batzuen artean antolatu dituzte helduentzako udaleku hauek. Euskaraz egingo dira, baina erdal hiztunak ere onartzen dituzte. Udaleku hauetan parte hartu nahi dutenek ekainaren 25a baino lehen izen-abizenak, helbidea eta jaioterria adierazi beharko dituzte jarraian adierazten diren helbideetako batera bidalitako mezu baten bitartez: ubili@euskalerria.org edota “LIZ (Udalekuak), Olakua 18, 7-A. 20560 Oñati”. Hamabost eguneko egonaldi honetako parte hartzaileek, gehienez 100 euro eraman ahal izango dituzte. Halaber, sukaldeko edota garbiketa lanak denon artean egin beharko dira; ezingo da telefono mugikorrik, autorik, maskotarik eta dirurik eraman (ordaindu beharreko 100 euroez gain)... Gainontzean, ondo pasatzeko aukera eskainiko dute: mendi ibilaldiak, errekan bainuak, dantzaldiak, tailerrak, jolasak...
Azkenean, udalekuetan helduentzako tokia ere egin dela dirudi, eta ziur giro ona eta dibertsioa bermatuta daudela.
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
Artziniegako Udalak mezua zabaldu du gertatutakoa gaitzesteko eta elkartasuna adierazteko irainak jaso dituzten herritarrei.
Duela bi urte Aranzadi Zientzia Elkarteak neandertalek egindako harrizko tresna batzuk eta haiek jandako animalien hezurrak aurkitu zituzten San Adriango koban. Horrela jakin zuten neandertalek duela 40.000 urte koba hori erabili zutela. Aurten egin duten indusketa-kanpainan... [+]
WeTransferren baldintza berri gaiztoen aurrean, alternatibarik? Bai, pare bat, edo bien arteko konbinazioa. Enkriptazioa edo/eta Tori.eus zerbitzu euskalduna erabiltzea.
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
Azken sei urteotan Piztu Donostia eragile sozialaren talde motorra osatu dugunoi txanda pasatzeko unea iritsi zaigu, mila gai eta beste mila fronte zabalik geratzen diren arren.
Duela sei urte Eneko Goiak, PSOEren laguntzarekin, osaturiko Donostiako Udalak bideratzen zuen... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Zerk lotzen ditu Galesko muino berdeak eta Patagoniako basamortu hotzak? Bada, hil nahi ez duen hizkuntza batek. Noelia Sánchez Jenkinsen arbasoak 1865ean lehorreratu ziren Patagonian (Argentina). Galesetik iritsi ziren, britainiarrek inposatutako zapalkuntzatik ihesean... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Israelen bonbardaketek Siriako Defentsa Ministerioa eta presidentearen egoitzaren ingurua izan dituzte jo-puntuan. Asteburuan tribu beduinoen eta milizia drusoen artean piztutako liskarrek gutxienez 300 hildako eragin dituzte As-Suwayda hirian. Israelen erasoen ondoren, Siriako... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.