Israelek Damasko bonbardatu du, eta Siriako armada su-eten akordio batera heldu da milizia drusoekin
Israelen bonbardaketek Siriako Defentsa Ministerioa eta presidentearen egoitzaren ingurua izan dituzte jo-puntuan. Asteburuan tribu beduinoen eta milizia drusoen artean piztutako liskarrek gutxienez 300 hildako eragin dituzte As-Suwayda hirian. Israelen erasoen ondoren, Siriako armadak iragarri du milizia drusoekin akordio batera iritsi dela, eta hiri horretatik alde egingo dutela soldadu siriarrek.
Baxar al-Assaden erregimena erori eta zortzi hilabetera, bizirik diraute gerra zibilean Siria hamalau urtez kolpatu duten barne liskarrek: asteburuan tribu beduinoen eta milizia drusoen artean istiluak piztu ziren As-Suwayda hirian, Damasko hegoaldeko probintzia bateko hiriburuan, eta Giza Eskubideen Siriako Behatokiak asteazkenean jakinarazi zuenez, gutxienez 300 hildako eragin dituzte. Damasko eta As-Suwayda arteko errepidean beduinoek merkatari druso bat bahitu zuten ostiralean, eta erantzun gisa drusoak beduinoekin gauza bera egiten hasi ziren. Orduan, bi etniak elkarren aurka "modu bortitzean" oldartzen hasi ziren igandetik aurrera, Suwayda24 bertako hedabideak adierazi zuenez.
Egoeraren larritasuna medio, Siriako armadak As-Suwaydan esku hartuko zuela iragarri zuen astelehenean, "gatazka amaitzeko, segurtasuna bermatzeko eta gertakarien erantzuleak epaitzeko", Barne Ministerioaren arabera. Israelek, ordea, drusoen aurka oldartuz gero –2019an 143.000 druso bizi ziren Israelen, biztanleriaren %1,6a– egoera are gehiago okertuko zuela mehatxu egin zion Siriako armadari, eta hala egin du asteazkenean: Damasko hiriburuaren bihotza bonbardatu du Tel Avivek, hain zuzen, Defentsa Ministerioaren eraikina eta presidente Ahmed al-Xaraaren egoitzaren ingurua.
Siriako telebista publikoak zuzenean jaso zuen bonbardaketa horietako bat azpiko bideoan ikus daitekeenez.
Siriako Osasun Ministerioaren arabera, hiru hildako eta 34 zauritu eragin dituzte Israelen bonbardaketek. Horrez gain, As-Suwayda hirira zihoazen Siriako armadaren hainbat ibilgailu ere jo-puntuan izan ditu Tel Avivek azken egunetan. Damasko bonbardatu ondoren, zera argitaratu du Israelgo Defentsa ministro Israel Katzek sare sozialetara: "Kolpe mingarriak hasi dira". Tel Aviven mehatxuari men eginez, soldadu siriarrek As-Suwaydatik alde egingo dutela iragarri du al-Xaraak, milizia drusoekin su-eten akordio batera iritsi ostean.
Siriako Gobernuaren buruhaustea
Boterera abenduan iritsi zenetik, al-Xaraaren –HTS Sortaldea Askatzeko Erakundearen buru ohia– Siriako Gobernuarentzako buruhaustea izan da As-Suwayda eskualdea, horren kontrolpean eta agintepean milizia drusoak baitaude gaur egun. Siriako Gobernuaren gertuko milizien eta talde armatu drusoen arteko liskarrek gutxienez 100 hildako eragin zituzten bizpahiru egunetan, apirilaren amaieran. Orduan ere, Damasko eta buruzagi drusoak akordio batera iritsi ziren, eta azken horiei eskualdearen kontrola eman zieten.
Drusoen kontra soilik ez eta Al-Assaden aurkako jarraitzaileei ere aurre egin behar izan die Siriako agintari berriek boterera heldu zirenetik. Izan ere, martxoaren hasieran Siriako presidente ohiaren jarraitzaileek osatutako hainbat miliziak Siriako armadaren aurkako erasoak egin zituzten herrialdeko kostaldeko Latakia probintzian, eta erantzun gogorra izan zuten: Giza Eskubideen Siriako Behatokiak argitaratutako ohar baten arabera, gobernuko indarrek gutxienez 1.311 pertsona exekutatu dituzte bizpahiru egunetan –830 zibil tartean– , "mendeku gisa eta odol hotzean". Siriako hegoaldeko probintzia horretan bizi dira herrialdeko musulman alaui gehienak; biztanleen %13 dira musulman xiiten adar horretakoak, tartean al-Assad presidente ohia.
Zerk lotzen ditu Galesko muino berdeak eta Patagoniako basamortu hotzak? Bada, hil nahi ez duen hizkuntza batek. Noelia Sánchez Jenkinsen arbasoak 1865ean lehorreratu ziren Patagonian (Argentina). Galesetik iritsi ziren, britainiarrek inposatutako zapalkuntzatik ihesean... [+]
Ingalaterrako Massive Attack taldeak artisten arteko aliantza sustatu du, hasi berri diren artistei edo Israelen aldeko erakundeen zentsura pairatzen dutenei babesa emateko.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Georges Ibrahim Abdallah, Frantzian 40 urteko espetxealdia igaro ondoren kaleratuko dute. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatu zuten. Inoiz... [+]
Ekainaren 13an hasi eta 24an amaitu zena “12 Egunetako Gerra” bezala ezagutuko da aurrerantzean. Gauza harrigarri batzuk gertatu ziren bertan, pentsaezinak ordura arte. Nahiz eta lerro hauek idaztean egun gutxi igaro diren bukatu zenetik, ondorio batzuk atera... [+]
Hagako taldeak deituta 30 estatu bildu dira bi egunez Kolonbian, eta horietako hamabik sei neurri sinatu dituzte "Israelen Palestinako kolonizazio ilegala" gelditzeko. Horietako bat, Tel Avivekin duten kontratu publiko oro berrikustea, okupazioan eraginik duen ala ez... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Giza eskubideen aldeko Sudango abokatu talde baten arabera, Sudan mendebaldeko hainbat herrixkari eraso egin zieten larunbatean eta igandean, eta zibilak tiroz hil edota bizirik erre zituzten, etxeetan giltzapetuta. UNICEFek salatu du Ipar Darfurgo 40.000 haur artatu zituztela... [+]
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Carrefour, CAF, Crédit Agricole, BlackRock... Francesca Albanese Palestinar Lurraldeentzako NBEko errelatore bereziak enpresa sare handi bat egin du Israel burutzen ari den Gazako genozidioaren konplize bere azken txostenean, eta horien arduradunak ikertzeko eskatu du... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]