Egun erabakigarriak dira Zubietako errauskailuaren aferan. Uztailaren 28an abiatuko du GHK-k azpiegitura eraiki eta kudeatzeko esleipena eta horren aurretik mugimendu ugari izaten ari dira kontrako eta aldekoen artean. Hemen jarraituko ditugu.
Gipuzkoako Aldundiko ordezkariak Europako hainbat tokitara egin duten bidaiaren karira argibide batzuk eman ditu Euskal Herriko Greenpeace elkarteak. Aldundiak Twitter bidez iradoki zuen austriako Greenpeace-k begi onez ikusten zuela hango errauskailu bat. Honas hemen erantzuna:
@ErrausAurkMugi @OrainIngurumena @NotGip como aclaración: Greenpeace se OPONE a cualquier incineradora de residuos sea Austria o Gipuzkoa
— Greenpeace Euskadi (@GreenpeaceEUS) 2016(e)ko uztailak 21
Uztailaren 28an animatu zaitezte maindire txuri bat eramatera! Ikus gaitzatela! Zuen negozioa. Gure minbizia. pic.twitter.com/5psDBgkHC2
— Erraustegiaren A.M. (@ErrausAurkMugi) 2016(e)ko uztailak 22
Hondakinak kudeatzeko Gipuzkoak behar dituen azpiegiturei buruz hausnartzeko eta "eztabaida serio, sakon eta partekatua egiteko" sei hilabeteko luzamendua eskatu diete EAJ eta PSEri eragile hauek: EH Bildu, Ahal Dugu, Ezker Anitza, Equo, ELA, LAB, ESK, CCOO, STEILAS, Eguzki eta Erraustegiaren Kontrako Asanblada.
Albiste osoa irakurgai duzu hemen
GuraSOSek ohar bidez zabaldu duenez, uztailaren 21ean Gipuzkoako Aldundiarekin egitekoa zuen bilera bertan behera geratu da foru arduradunei "zerbait oso urgentea sortu zaielako". Ostiralean Batzar Nagusietako taldeekin egitekoa zuen bilkura mantendu egin du ordea.
Errausketak haurren osasunean izango duen eraginaz kezkatutako guraso taldeak, GuraSOSek, bilera egingo du ostegunean Gipuzkoako Aldundiko ordezkariekin. Bertan, proiektuaren inguruko proposamen bat helaraziko die elkarteak. Ostiralean berriz, Batzar Nagusietako talde politiko guztiekin bilduko da GuraSOS.
Berrikitan GuraSOSek ekinbide juridiko bat abiarazi du Zubietan egitekoak diren erraustegiaren aurka. Hondakinen kudeaketaren inguruko prozesu parte-hartzaile bat eskatu du “gizartea informatu, eztabaida sakonak bultzatu eta adostasunak lortzeko”. Bitarte horretan errauskailuaren proiektua bertan behera uzteko eskatu dio Gipuzkoako Aldundiari.
Pello Zubiriak uztailaren 28an GHK-k hartu behar duen erabakiari buruzko iritzi artikulua argitaratu du bere blogean. Deloittek idatzitako txosten baten arira ondorioztatu du herritarrei zorpetze maila ikaragarria ekarriko diela errauskailua eraikitzeko sinatuko diren finantza baldintzek:
Sareetan oihartzuna:
Ustelen izenean #EzNireIzenean https://t.co/7jk7eYOLby
— Julen Aperribai (@julenaperribai) 2016(e)ko uztailak 14
#EzNireIzenean #EzNireIzenean #EzNireIzenean #EzNireIzenean #EzNireIzenean #EzNireIzenean https://t.co/yFipClnV56
— Nahionuke (@nahionuke) 2016(e)ko uztailak 14
#ezNireIzenean #EzNireDiruarekin #EztaEskuPribatuetanEreKabroiak https://t.co/N9hJcZS70x
— Ardibeltza (@Ardbltz) 2016(e)ko uztailak 14
@DiarioFatxo siempre con la incineradora #EzNireIzenean pic.twitter.com/64o54vCCOC
— MaríaHdB (@MariaHdB418) 2016(e)ko uztailak 17
Gipuzkoako Hondakinen Kontsortzioak uztailaren 28an abiatuko duen esleipenetik sortutako zorra udalek nola ordainduko duten auditatu du Deloittek txosten batean. Erraustegia finantzatzeko "salbaguardia" nahikoa badagoela ondorioztatu du.
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.