Txupinazoarekin emandako irudiak kezkatzen du Iruñeko alkatea, ez sexu erasoek
Aurtengo Sanferminetan jazotakoak baloratzeko prentsa agerraldia egin du Enrique Maia Iruñeko alkateak. Hainbat emakumek jasandako sexu ukituen karietara galdetu diotenean, sexu erasoak Sanferminekin lotzea "negargarria" dela adierazi du, baita hedabideek argazki horiek “gehiago saltzen dutelako” erabiltzen dituztela ere. Bere hitzetan, hori ez da “sanferminetako benetako irudia”, salbuespena baizik.
Edurne Elizondo Berriako kazetariak salatu duenez, alkateari sexu erasoen inguruan galdetu dionean, beste hedabide batzuetako kazetariek erantzun dute ez zela erasorik izan. Maiak eraso hitza ekidin nahi izan du, eta ez du horiei aurre egiteko neurri jakinik iragarri.
Alkatearen arabera, sexu erasoak direla-eta zazpi salaketa jarri dituzte aurtengo jaietan, baina “gehienak familian gertatu dira, ez bestan”. Dioenez, “ez da bortxaketarik izan”.
Espainiako Gobernuak “emakumeen aurkako jazarpena” salatu duen arren, PPNk ere ez du erasoen aipamenik egin jaiak baloratuz zabaldu duen prentsa-oharrean.
Gertaera negatiboak
Sanferminetan jazotako gertaeren artean, hiru jo ditu negatibotzat Maiak: txupinazoa “boikotatu” zuen ikurrina, prozesioaren egunean udalbatzako kideek jasandako txistuak eta larunbateko entzierroko jende metaketa. Alkateak ez ditu sexu erasoak gertaera negatiboen multzoan sartu.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.
Sexu erasoak gaitzesteko elkarretaratzea deitu du Iruñerriko Mugimendu Feministak astelehenean 21:00etan Gaztelu Plazan. Cristina Ibarrola alkateak dio "sexu erasoak kenduta" festak lasaitasunez ospatzen ari direla.