Txosnen debekuaren aurka mobilizatuko dira Lizarran
Autobus-geltokiko parkingean txosnak jartzea debekatu du Lizarrako Udalak. San Benitora lekualdatu nahi ditu, baina Festagirok uko egin dio inposaketa horri. Emakumeentzat leku arriskutsua dela, udalak herriko eragileak jaietako dinamika sozialetik urrundu eta isolatu nahi dituela eta tokialdaketak bideragarritasun ekonomikoa arriskuan jarriko duela argudiatu dute txosnen antolatzaileek. Manifestazio batera deitu dute larunbaterako, uztailaren 20rako.
aurre egingo dieten hedabide independenteak
Lizarrako (Nafarroa) txosnak autobus-geltokiko parkingean jarri izan dira azken 28 urteetan, baina aurtengo jaiak hasi baino hilabete lehenago, debekatu egin ditu udalak (UPN). Ez da txosnak debekatzen edo oztopatzen dituzten lehenengo aldia: Lizarrako Jai Txikiko txosnei ere trabak eta debekuak jarri zizkien udalak 2022an, EH Bildu udal gobernuan zela.
Aurten, txosnak Los Llanos parkeko San Benitora lekualdatu nahi ditu udalak. Txosnen antolatzaileek, ordea, uko egin diote erabaki horri. Udalak txosnak "modu autoritarioan" tokialdatu nahi dituela salatu dute, eta ezarritako gune berria guztiz desegokia dela.
Izan ere, txosnak San Benitora mugiaraztea, horietan parte hartzen duten kolektiboak "jaietako dinamika sozialetik urruntzeko eta isolatzeko" saiakera bat dela iritzi diote, bai eta txosnen bideragarritasun ekonomikoa kolokan jarriko dela ere. Hori ez ezik, emakumeentzat leku arriskutsuagoa dela azpimarratu dute.
Udalak argudiatu du txosnak ezin direla barraketatik hurbil egon. Lizarrako txosnetako kideek, ordea, txosnak "haurrentzako leku bat" ere badirela aldarrikatu dute, eta haientzako jarduera arrakastatsuak antolatzen dituztela. Udalak duen benetako arrazoia, haien ustez, bestelakoa da: txosnak "leku urrun batera" eramatearekin batera, horiek antolatzen dituzten eragileak "herriko jaien parte ez izatea" bilatzen duela uste dute, eta "herriaren bizitza sozialetik urrundu" nahi dituela.
Festagiroko kolektiboek azaldu dutenez, ez diote "espazioa aldatzeari uko egiten"; baina, lekua aldatuz gero, gaur egungo "baldintza berdinetan edo hobeetan" izan behar dela azpimarratu dute. Zentzu horretan, instituzioen izaera "parte-hartzailea" zalantzan jarri dute, eta udalaren debekuaren aurrean, txosnak defendatuko dituztela ohartarazi dute: "UPNk, PSNren babesarekin, bere borondate partikular eta sektarioa inposatzeko bidean jarraitzen badu, kalera aterako gara horiek [txosnak] defendatzera".
Horrela,Udalaren hipokrisiari ez, txosnak aurrera! lelopean manifestazio batera deitu dute txosnen antolatzaileek. Uztailaren 20an izango da, arratsaldeko 20:00etan, San Andres kaletik abiatuta.
Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.
Basaizeak, Baztango Gazte Asanbladak, Baigorriko eta Erratzuko gazteek elkarlanean prestatu dituzte Izpegiko Bestak. Elkartasuna, memoria kolektiboa eta engaiamendu politikoa izanen dituzte ardatz.
Sara Fantova zinemagile bilbotarraren Jone, batzuetan filma zinema aretoetara helduko da irailaren 12an. Pelikula komunitarioa sortu du Kaskagorri eta Kranba konpartsekin, Bilboko Aste Nagusian girotuta baitago amodioa, jaia, gaixotasuna eta zaintza ardatz dituen istorioa.
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Eta, honekin bai, honekin amaitu da Donostiako Aste Nagusia! Piratei aste bete motz geratzen zaiela eta, egun bat gehitzen diote Aste Nagusiari. Aurten hogeigarren urtez jarraian egin dute Irrikitaldia.
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
