Txistuak Tafallako alkateari euskaraz hitz egiteagatik
Tafallako Arturo Goldarazena alkatea (EH Bildu) txistu eta oihu artean hartu dute Nafarroako auroroen topaketetako hasiera ekitaldian. Goldarazenak euskaraz hitz egitean zabaldu dira publikoan protesta keinuak.
Toki ugaritako abesbatzak elkartu dira asteburuan Tafallan. Nafarroako enparantzan egin dute ekimenaren hasiera ekitaldia, eta bertan hartu du parte alkateak. Auroroen zati batek ez dio, ordea, harrera oso ona egin. Ekitaldiaren aurkezleak isiltzeko agindu behar izan dio publikoari, errespetuz jokatzeko eskatuz.
Ez da euskaraz egiteagatik alkatea arbuiatu duten lehen aldia. Joseba Asiron Iruñeko alkateak txistuak jaso zituen “gaixoa ni” Sanferminen amaierako ekitaldian. Kasu hartan ere euskaraz hitz egitean hasi zitzaion txistuka publikoaren zati bat Asironi.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Tafalla Eraikiz kolektiboak herriko eraikin handi bat okupatu du Nafarroako mapan beste gaztetxe bat gehitzeko. Egun hauetan espazioa atontzeko lanak egiten ari dira.
AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.
Behin behinean irakaslearen jarduna eten du Hezkuntzak, gertatutakoa ikertu bitartean. Familia batek jarri du salaketa, gelan "behin baino gehiagotan" iruzkin tranfoboak egin dituela salatuz.
Herritar guztientzat izango litzatekeen garraio jasangarri, herritar eta demokratiko baten alde atera dira herritarrak kalera Tafallan, joan den larunbatean. “Ezin dugu trena galdu” lelopean, AHTk Nafarroako trenbide saretik kanpo utziko lituzkeela ohartarazi du Tren-Erdi Aldea Trenaren Aldeko plataformako bozeramaileak.
Zonifikazioaren inguruko bozketa egingo dute asteazkenean Nafarroako Legebiltzarrean. 43 udalerri eremu "ez-euskaldunetik" mistora pasako dira eta Atetz, berriz, mistotik euskaldunera. Zizurko Zendea eremu "ez-euskaldunera" aldatzeko eskaera ez dute onartuko.
Gorka Labat, Oier Araiz eta Fernando Sota absolbitu ditu Espainiako Auzitegi Nazionalak. Iazko udan Tafallako festetan presoen alde egindako ohiko brindisean parte hartzeagatik terrorismoa goratzea leporatzen zieten.
Arrazoi ezberdinengatik inputatutako lau lagun izango dira hizlariak: Tafallako brindiseko Oier Araiz, Alfredo Ramirez txiolaria, Altsasukoak Aske herri plataformako kideak eta Axier Lopez ARGIAko kazetaria.
Gorka Labat, Oier Araiz eta Fernando Sota Espainiako Auzitegi Nazionalean epaituko dituzte asteazkenean.
Gorka Labat, Oier Araiz eta Fernando Sota Espainiako Auzitegi Nazionalean epaituko dituzte asteazkenean. Iazko udan Tafallako festetan presoen alde egindako ohiko brindisean parte hartzeagatik epaituko ditu Angela Murillok. Bi urteko kartzela zigorra, hiru urteko zaintzapeko askatasuna, bederatzi urteko inhabilitazioa eta 4.800 euroko isuna eskatu ditu fiskaltzak. Araizek erantzun dizkigu galderak.
Errigoraren aurtengo kanpainako bigarren bideoan zerumuga berriak amestu nahi izan dituzte, Nafarroa hegoaldean euskararen bigarren loraldia ekarriko duten protagonisten eskutik.
