Tuterako alkateak aurrekontuak aurkeztu ditu talde neonazi baten abestiarekin
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Talde horren Seguimos vivos (Bizirik jarraitzen dugu) abestia hautatu du Alejandro Toquero UPNko alkate eta alderdiko lehendakariordeak sare sozialetan 2025eko Tuterako Udaleko aurrekontuak aurkezteko. UPNk bere jarraitzaileei eskerrak emateko helburua du abestiak, eta uler liteke Toquerok ere hori egiten duela bere jarraitzaileekin.
Baina horretarako talde faxista baten irudia erabili du, Siempre fascistas (Beti faxistak) edo Eh, negro moduko abestiak dituena, arrazismo sustatzeko eta eskuin muturreko beste hainbat abestiren artean. Hemen aipatutako azkenaren itzulpena: Eh, Beltza itzuli oihanera / Europa zuria da eta ez da zure lurra / Skin gazte zuri harroak / Lehenago edo geroago aterako zaituztegu hemendik / E! beltza itzuli oihanera / Europa zuria da eta ez da zure lurra.
1991etik ari da taldea, heavy metal estiloan, eta RAC (Rock against comunism, rocka komunismoaren aurka) mugimenduaren parte da. Hemen Siempre fascistas abestiaren letra zati bat: Espainiaren aldeko skinhead, bere lurraren aldeko borrokan, Europaren aldeko skinhead historia defendatzen, Espainiaren aldeko skinhead, bere lurraren aldeko borrokan, skinhead nazionalistak, beti leial beti faxista.
Ser irrati kateak eman du albistean berri. Kateak azpimarratzen du, halaber, aste honetan bertan José Luis Sánchez de Muniain Nafarroako Legebiltzarreko Mahaiko UPNko eledunak 1936ko frankistak eta Maravillas Lamberto parekatu dituela, EH Bilduk, PSNk eta Geroa Baik Erorien Monumentuaz erabakitakoa arbuiatzean: “Besterik gabe, bandoz aldatzea erabaki dute, frankisten aldekoak omentzen ziren lekuan orain omenduko dute beste taldeak errepresaliatutako beste pertsona bat”.
UPNko lehendakari Cristina Ibarrolari adierazpen horiez galdetuta, ez dituela entzun adierazi du, baina seguru dagoela ez zuela bi figuren arteko konparaketarik egin nahi.
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Geroa Baiko lehendakari eta Nafarroako lehendakariorde izandakoa enpresa bati 2,6 milioi euroko diru-laguntzak ustez modu irregularrean emateagatik zegoen auzipetuta, Davalor auzia deiturikoan. Nafarroako Probintzia Auzitegiak erabaki du auzia behin betiko artxibatzea, legalki... [+]
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.