Turkiako gobernuak 130 komunikabide baino gehiago itxiarazi ditu
Fehtullah Güllen opositorearen aldeko jarrera izatea egotzita itxi dituzte. Hedabideetako kazetari eta zuzendari batzuk atxilo hartu, eta beste zenbait atxilotzeko agindu du Erdoganek.
Recep Tayyip Erdogan presidenteak zuzentzen duen Turkiako gobernuak enegarren erantzun errepresiboa eman dio uztailaren 15eko estatu kolpe saiakerari: 130 komunikabide ixteko agindua eman du Turkiako Errepublikaren Gazeta Ofizialaren bidez.
Itxitako komunikabideen artean, gehienak eskualde mailako hedabideak dira, eta nazio mailako bederatzi ere badaude tartean; hala nola, Cihan berri agentzia, Bügun TV eta Samanyolu TV telebistak eta Today’s Zaman, Meydan, Bügun eta Zaman egunkariak. Hedabide horiek guztiak gobernuaren eskuetan zeuden iragan azarotik.
Gobernuak aldaketa sakonak egin zituen hedabide haietan euren jabe bihurtu bezain pronto. Hala, botere exekutiboak ezarritako administrari berriek ildo editoriala aldatu eta kaleratzeak egin zituzten kasu gehienetan. Orain pauso bat harago joan da Erdogan, eta Fehtullah Güllen –AEBetan bizi den aurkari politikoetako bat– aldeko izatea egotzita, Zaman egunkariko 47 langileren atxilotzea agindu du.
Estatuaren menpe ez dauden hedabideek ere jaso dute ixteko agindua. Besteak beste, Özgür Düsünce, Taraf eta Yeni Hayat egunkariak itxi dituzte, Erzincan telebista katearekin batera. Azken horretako kazetari batzuk preso hartu dituzte azken egunetan. Gehiengo kurdua duten lurraldeetako telebistak ere kaltetu ditu neurriak.
Turkia emergentzia egoeran egoteak salbuespen neurriak hartzeko aterpe legala ematen dio gobernuari. Estatuak kargurik aurkeztu gabe itxi ditzake elkarteak, komunikabideak kasu, eta prebentziozko atxiloaldiak lau egunetik 30era luzatu ditzake. Horrez gain, 25. artikuluak “albisteak exageratzen” dituzten kazetariak zigortzea ahalbidetzen du.
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
Botoen %52,1ekin irabazi du Erdoganek, eta aurkariak, Kemal Kiliçdarogluk %49,7eskuratu du. Emaitzak ezagutu ondoren, nazioarteko buruzagiek Erdogan zoriondu dute.
Siriako Ipar eta Ekialdeko Autoadministrazioko osasun esparruko ardurak ditu Ciwan Mustafak eta herri kurduak lideratzen duen proiektu politikoaren osasun ministrotzat jo daiteke. Mediku-Ekintza Koordinakundea gobernuz kanpoko erakundearen laguntzarekin Eusko Legebiltzarrean... [+]