Emakumeak borrokan

Turistek eskertu egiten dute euskara entzutea, UEMAk egindako azterketaren arabera

  • Zumaia, Bermeo eta Leitzako Turismo bulegoetan, landetxeetan eta ostatuetan bisitariek erantzundako 727 inkestaren datuak aztertu ditu UEMAk.

Erran .eus @erran_eus  |  Ttipi Ttapa
2019ko apirilaren 05a
Ahize-AEK hizkuntza aholkularitzlako Mikel Urdangarin, Euskara Zerbitzuko Kristina Urrutia eta UEMAren koordinatzaile Miren Segurola, Leitzan asteazkenean egindako agerraldian.

Artikulu hau Erran.eus atariak zabaldu du eta Creative Commons lizentziari esker ekarri dugu.

Turismoak gora egin duen hainbat udalerri euskaldunetan, bisitariek euskararekiko duten ikuspegia aztertu du UEMAk, inkesten bidez. Jasotako erantzunetan joera argia ikusten da: bisitari ia guztiek eskertu egiten dute euskara ikustea edo entzutea, eta askok berariaz hautatzen du udalerri euskaldunetara etortzea, euskararekin topo egiteko. Bisitariren laurden bat Euskal Herritik dator, eta beste laurden bat Herrialde Katalanetatik.

UEMAren koordinatzaile Miren Segurolak, Ahize-AEK hizkuntza aholkularitzako Mikel Urdangarinek, eta Leitza, Goizueta, Areso eta Aranoko Euskara Zerbitzuko Kristina Urrutiak apirilaren 3an aurkeztu zituzten datuak, Leitzako udaletxean hedabideen aurrean egindako agerraldian.

Kristina Urrutiak aipatuz zuenez, Leitzaldean azken urteotan turismoaren inguruko kezka sumatu dute, bisitari asko iritsi delako azken urteotan Leitzaldera, eta batez ere bisitariek euskarareganako zer-nolako iritzia eta ikuspegia duten jakiteko beharra sumatu dute. Horren harira, euskararen inguruko azalpenak emateko esku-orriak prestatu zituzten, eskualde eta udalerri euskaldun batera zetozela erakutsi nahian bisitariei. Orduan jakin zuten UEMAko beste hainbat herrik ere antzeko gogoeta egin eta antzeko beharrak sumatu zituztela.

UEMAko koordinatzaile Miren Segurolak, berriz, udalerri euskaldunetan azken urteotan gai honen inguruan sortu den kezka eta eragiteko gogoa nabarmendu zuen: “Turismoak hizkuntzen erabileran eragina duela ohartuta, gaiari heldu eta euskara turismo eskaintzan nabarmentzeko eta babesteko lanean hasi zen UEMA duela pare bat urte. Lantalde bat osatu genuen, eta euskara eskaintza turistikoaren ardatzetako bat izatea ezinbestekoa iruditu zitzaigun, monumentu historikoak, gastronomia edota baliabide naturalak nabarmentzen diren modu berean. Euskara ezkutatzeko eta erdarak nabarmentzeko joeraren aurrean, udalerri euskaldunen izaeraren ezaugarri nabarmenena euskara dela erakustea udalez udal harrotasunez hartu beharreko erabakia zela ikusi genuen. Gure postalik ederrena euskara dela, alegia”.

Segurolaren hitzetan, “turista eta bisitari asko jasotzen dituzten inguruetan, sektore batzuetan, euskara bigarren mailan uzteko eta erdarak nabarmentzeko joera ikusten da. Bisitariak, ordea, euskara ikustea eta entzutea eskertzen duela sinetsita, pertzepzioa zena datuetara ekartzeko beharra sumatu zuen UEMAk, eta horregatik erabaki zuen pasa den udan udalerri euskaldun batzuetan bisitariei inkestak egitea”.

Zehazki, Zumaia, Bermeo eta Leitzako Turismo bulegoetan, landetxeetan eta ostatuetan bisitariek erantzundako 727 inkestaren datuak aztertu ditu Ahize hizkuntza aholkularitzak, UEMAk eskatuta, udalerri euskaldunetara heltzen diren bisitariek euskararekiko duten pertzepzioa ezagutzeko. Turismoak gora egin duen hainbat lekutan erdarak nabarmentzeko eta euskara ezkutatzeko joera sumatzen den arren, datuek nabarmen erakusten dute bisitariek eskertu egiten dutela euskararekin topo egitea.

Ahize hizkuntza aholkularitzak landu ditu jasotako erantzun guztiak, eta bertako Mikel Urdangarinek datu esanguratsuenak nabarmendu zituen Leitzako agerraldian. Besteak beste, bisitarien %95ek ez duela inolako arazorik izan euskararekin jakinarazi du. Erdiek baino gehiagok (%54), berriz, euskararekin izan duten harremana atsegin dutela edo asko gustatu zaiela erantzun dute.

 

%85 ongi konpondu da euskara hutseko errotuluekin

Hizkuntza paisaiari dagokionez, bisitari gehienek (%85) eskertu egin dute eta ondo konpondu dira errotuluak euskara hutsean topatu dituztenean.

Erantzunak ulertzeko, bisitarien jatorriari arreta jartzea ere giltzarrietako bat da. Izan ere, bisitarien laurden bat Euskal Herritik bertatik heltzen da, beste laurden bat Herrialde Katalanetatik, beste laurden bat Espainiatik eta gainerakoak oro har Frantziatik, Alemaniatik, Eskoziatik, Ingalaterratik, Galestik eta Herbeheretatik.

Bisitarien gehiengo handi baten jatorrizko herrietan, bi hizkuntza baino gehiago dira ofizialak, edo nolabaiteko babesa dute lurralde osoan edo zati batean.

 

Ondorio nagusia: euskara erakargarria da bisitarientzat

Honako ondorioak dira nabarmenenak:

Eremu euskalduna:  bisitari gehienek badakite euskal hiztun asko bizi den gune batera datozela, eta espero dute euskararekin topo egitea.

Euskara, akuilu: bisitari talde handi batentzat etortzeko arrazoia ere hori izan da: euskaraz bizi den herri baten bila etorri dira.

Deseroso, oso gutxi: oso gutxi izan dira deseroso sentitu direnak. %95ak ez du inolako arazorik izan euskararekiko.

Askorentzat, atsegina: askorentzat, aldiz, atsegina izan da, eta asko gustatu zaiela nabarmendu dute.

Euskararekin, eroso: gehienak eroso sentitu dira euskararekin izan dituzten harremanetan. %85ek eskertu egin du hizkuntza paisaian euskara aurkitzea.

Bisitarien zati handi bat, bertakoa: bisitarien zati esanguratsua Euskal Herritik bertatik dator. Beraz, negozioaren ikuspegitik ere kontuan hartzeko moduko xede taldea da, premia zein eskubide linguistikoak dituena.

Ondorioa: euskara amu erakargarria da bisitarientzat

Beraz, laburbilduz: euskara bertara etortzeko faktore bereizgarria da bisitari askorentzat (%31), eta ez da etortzeko oztopoa gainontzeko ia guztientzat. Datuek erakusten dute turismoak gora egin duen eta bisitariak ugaritu diren lekuetan euskara ezkutatzeak ez du zentzurik bizikidetzaren ikuspegitik, ezta negozioaren ikuspegitik ere.

 

Udazkenean, euskarari eta turismoari buruzko jardunaldia

UEMAk koordinatzaile Miren Segurolaren hitzetan, datu hauek eta lehen inkesta hauek pertzepzioa zena datuetarako ekartzeko ahalegina izan bada ere, oraindik lan asko dago egiteko arlo honetan. “Turismo sektorean euskara nabarmentzeko erabaki politiko ausartak behar ditugu, gaur egun egiten ari denaren kontrako norabidean, zehazki”.

Gai honek duen garrantzia eta estrategikotasuna ikusita, udazkenean euskarari eta turismoari buruzko jardunaldiak egingo ditu UEMAk, gaia sakonago aztertzeko eta turismo sektoreari zein erakunde publikoei euskara turismo eskaintzan nabarmentzeko beharra ikusarazteko

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismoa  |  UEMA

Turismoa kanaletik interesatuko zaizu...
Bisitari gehiago erakartzeko azpiegitura berriak Nerbioiko ur-jauzian

Arabako Aldundiak ur-jauziaren behealdean begiratoki bat eta zubi tibetar bat eraikiko ditu; Gaztela eta Leongo Juntak, berriz, Monte Santiagoko begiratokian egitura "ikusgarria" jarri nahi du.


2019-04-23 | Irutxuloko Hitza
Desazkunde turistikorako hamasei proposamen aurkeztu ditu Bizilagunekin plataformak

Turismoaren inguruan eztabaida soziala bultzatu eta herritarren bizitzak erdigunean jartzea helburu duen Bizilagunekin plataformak agerraldia egin zuen apirilaren 16an, Donostiako San Jeronimo kaleko kriptan, desazkunde turistikoa sustatzeko hamasei proposamenekin.


Miren Segurola, UEMAko koordinatzailea
"Turismoa sustatzen ari gara Kantabrian bagina bezala"

Bermeora, Zumaiara eta Leitzara etorritako bisitariei galdetu zaie ea zer iritzi duten euskararen inguruan, eta bisitarien %95ak erantzun du ez duela inolako arazorik izan euskararekin. Askok estimatu dute tokiko hizkuntza ezagutzeko aukera eta batzuek esan dute herri horietara joateko arrazoietako bat dela euskara. Aldiz, gurean, Game of thrones-en sukarrak eraginda, turismo eragileak euskara ezkutatu nahian dabiltza. UEMAk bideratu ditu hiru inkestak hiru herrietan eta Miren Segurolari egin... [+]


2019-02-24 | Bea Salaberri
IRITZIA
Kultur Zaldaina

Frantziako Kultura Ministerioak bost departamendutan frogatuko du Pass Culture dispositiboa: 18 urteko 10.000 herritarrei zuzendua zaie, bakoitzak 500 euroko dirutza birtuala baluke urtebetean erabiltzeko, kultura kontsumitzeko eta aplikazio baten bidez balia lezake erakusketa, ikusgarri eta zinema sarreratan, liburu eta diskotan, ikastarotan. Praktika kulturalen ezagutzeko balioko du, deskubritzeko eta erabakitzeko zer maite den ala ez, baina betiere ezagutu ondoan. Erraza baita gutxiestea... [+]


Turistendako pisu ilegalen kontrako kontrol neurriak onartu ditu Iruñeko udalak

Gaur egun 285 turistendako apartamentu ditu erregistratuta eta kontrolatuta Iruñeko udalak, baina gehiago daudela badakite. Errolda publikoa egin dute, hiritar guztiek jakin dezaten etxe ondoko alokairuzko pisua legala edo ilegala den. Iruñeko udalak laguntza eskatzen die bizilagunei, pisu ilegalak lokalizatzeko. Iragarkiak ere kontrolatuko dituzte.


2018-10-28 | Ander Perez
Aitziber Imizkoz. Nora doaz alde zaharrak?
"Betiko dendak galtzen direnean hasten gara nortasuna galtzen"

“Nabarralde fundazioak eta Iturralde elkarteak antolatutako Alde zaharren birsorkuntza jardunaldietan parte hartu berri du Aitziber Imizkozek (Iruñea, 1983). Iruñeko Udal plazako turismo bulegoko arduraduna da, eta ongi ezagutu du Nafarroako hiriburuko Alde Zaharraren eraldaketa. Azkenean, bere kale eta txokoak ditu lantoki, eta bisitariei horiek erakusten jarduten du”.


Hondarrak; erlojupeko desjabetze baten kronika
MULTIMEDIA - dokumentala
Zarauzko Danda gazte asanbladak sortutako dokumentala da ‘Hondarrak’: "herri-ereduak ezkutatzen duena erakusteko, hondarpean dagoena azaleratzeko, herriari ahotsa emateko, hausnartzeko eta eztabaidatzeko". Irailaren 5ean estreinatu zuten lana Zarauzko Putzuzulo gaztetxean.

2018-09-30 | June Fernández
Tourist, stay at home

Uztaila aldean unibertsitateko lagun batek “mutil-lagunak bidaia-txartela aspaldi erreserbatu zuen Nikaraguara”, idatzi zidan. Biolentzia egoeraren berri zuela eta dirua galdu nahi ez zuela. Ordura arte gorputz polizial eta parapolizialek 400 lagun erail zituzten eta egunero bahitu, zauritu eta desagertuen zerrenda loditzen zihoan. Testuinguru horretan, nire lagunaren kezka ulergarria baina zeharo surrealista eta arina iruditu zitzaidan. Galdera egokia ez da ea turista batentzat... [+]


2018-09-30 | David Bou
Maletak egitea

Plaza del Sol, Vila de Gràcia, Països Catalans. Nork bisitatu du Bartzelona eta ez du enklabe herrikoi hori ezagutzen? Duela hamarkada luzea jada, nerabea nintzela, lagunen alboan, nire sortzetiko hiriaren mila eta bat gau deskubritu nahi genituenean, gure bidean sozializatzen ari ziren gazte andana batekin biltzen ginen bertan. Ordu hartan askatasun espazio bat zen. Lurrean esertzen ginen, biribilean, eta orduak ematen genituen berbetan, gitarra jotzen eta garagardo bat... [+]


Eguneraketa berriak daude