Turismoa Espainian: arrakasta langileen miseriaren bizkar

  • Mariano Rajoy Espainiako Gobernuko lehendakariak “harro” adierazi du EBko bilera batean turismoaren datuak “historikoak” direla eta Espainia jada nazioarteko bigarren helmugarik gogokoena dela mundu osoko turistentzat. Iaz 82 milioi turistek bisitatu zuten Espainia, duela bi urte baino %6 gehiago. Datuok, ordea, ez dute merkatuaren alde iluna azaltzen: 2017an sinatutako kontratuen %97 prekarioak dira. Langileen lan baldintzak “negargarriak” direla adierazi dute sindikatuek eta ez dagoela pozik egoteko arrazoirik.

Miren Osa Galdona @Mirentx_U
2018ko urtarrilaren 15a

Txanponaren A aldea erakusten dute Espainiako Gobernuak zein Turismoaren patronalak emandako datuek: turismoari lotutako enpresek %6,9 egin dute gora eta hotelen eraikuntzan eginiko inbertsioek, berriz, %79. Horietatik %60 nazioarteko inbertitzaileak izan dira. Alde horren onuradunak oso pozik agertu dira urte amaieran eginiko balorazio txostenetan, batez ere “turismoa krisi ekonomikotik ateratzeko motorra bilakatu delako”.

Txanponaren beste aldean, aldiz, langileak daude: sindikatuek jakinarazi dutenez, 2017an sinatutako kontratuen %97 prekarioak izan ziren. Hau da, azaroa bitarte sinatutako ia 4 milioi kontratuetatik 1.776.880 astebete baino gutxiagoko iraupenekoak ziren (%45,2). Bi aste baino gehiagoko lanak kontratuen %48 osatzen dute. Dena dela, gehienak ez dira 1.000 euroko soldata izatera iristen eta lan baldintzak “tamalgarriak” dira sindikatuek jakinarazi dutenez. Eldiario.es atariak jaso duen adibidea oso adierazgarria da: Madrileko hotel garbitzaile batek hilabetean 400 logela txukundu behar ditu 800 euroko soldata izateko.

2017ko azken lau hilekokoak dira eskura dauden datu eguneratuenak: 2.660.915 pertsona zeuden turismoaren sektorean lanean, 2016ko datuekin alderatuta %3,3 gehiago. Horietatik 1.749.255 pertsona ostalaritzan zegoen lanean, erdia baino gehiago. Sindikatuek salatu dute langileen soldatak ez direla igo 2014az geroztik eta datuak hain onak badira, banaketa ere guztientzat izan behar dela.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismoa  |  Ekonomia  |  Espainia

Turismoa kanaletik interesatuko zaizu...
2018-08-06 | Kalea guztiona da
Donostian ere "kalea denona da"

Pasa den astean Donostiako udaltzainek Alde Zaharreko haur batzuei Plaza Berrian jolastea debekatu zieten. Udal ordenantzaren arabera (Zumaiako alkateak aurkeztu duen Mozal Ordenantzaren kopia) baloarekin ezin dela jolastu argudiatuta. Mozal Ordenantzak dioenez Trinitate plazan baino ezin da jolastu pilotarekin Alde Zaharrean.


2018-08-06 | Axier Lopez
Turistentzako ongi etorri instituzionala errefuxiatuei berbideratu diete herritarrek Bilbon

Bilboko Erriberako eraikin batean Eusko Jaurlaritzak jarritako publizitate olanaren mezua moldatu dute hatzailea aldatu eta errefuxiatuen gaiari ikusgarritasuna emateko. Sarean zabalpen handia izan du ekimenak. Turistentzat "Euskadi helmuga ireki eta erosoa" dela iragartzeko, Eusko Jaurlaritzaren udako kanpainaren mezu nagusiari aurrez aurre jarri diote erakundeen migranteekiko jokabidea.


2018-07-27 | Lander Arretxea
Eta zuk, zer turistifikatzen duzu?

Izan duen gorakadak hauspotuta, asko idatzi da bazterrotan turismo masiboaz eta haren ondorioez. Asko egin eta idatziko da oraindik; baina komeni da, jasaten den horretan fokoa jartzeaz gain, eragiten den horretan ere jartzea. Noiz gara gu eta gure bizilagunak inguru bat eraldatzen duen turista?


2018-06-21 | ARGIA
Gipuzkoako Diputazioaren turismoko berrikuntza saria, Aparture elkartearentzat

Aparture Euskadiko Etxebizitza Turistikoen Elkarteak jaso du Gipuzkoako Foru Aldundiaren Turismoko Berrikuntza Saria, "Gipuzkoako turismo ereduan berrikuntzari eskaintzen dion balioagatik".


2018-06-19 | ARGIA
Hasi da turismo denboraldia, baita protestak ere Bartzelonan: GŁell parkean kateatu dira ekintzaileak

Bartzelonako Güell parkean Arran gazte erakundeko hainbat kide kateatu egin dira eta turismo masiboaren aurkako pankartak zintzilikatu dituzte.


2018-05-30 | Miren Osa Galdona
Ostalaritzako kontratuen erdiak astebete baino gutxiago iraun zuten iaz EAEn

Espainiako Gobernuak emandako datuek turismoaren beste aldea erakutsi dute: sinatzen diren kontratuen %46k astebete baino gutxiago irauten dute. Autonomia erkidego batzuetan, ordea, kopurua erdiraino iristen da, EAEn kasu.  


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


2018-05-22 | Miren Osa Galdona
Kezka sortzen dio Donostiako Turismo Elkarteko zuzendariari Bizitza Da Handiena kanpainak

Euskadi Irratiko Faktoria saioan elkarrizketatu dute astelehen goizean Manu Narvaez Donostiako Turismo Elkarteko zuzendaria. Turismoaren Munduko Erakundeak asteazkenetik ostiralera egingo duen goi bileraren harira, ekitaldiak hirian izan dezakeen eragina izan du ardatz solasaldiak.


2018-05-16 | Miren Osa Galdona
Euskarak ez du lekurik izango Donostiako Turismoaren Goi Bileran

Kursaalen bilduko dira Turismoaren Mundu Erakundeko 300 ordezkari maiatzaren 23tik 25era.


Zer da Donostian goi-bilera egingo duen Turismoaren Mundu Erakundea?

Turismoaren Mundu Erakundeko (UNWTO) Kontseilu Exekutiboa Donostian izango da maiatzaren 23tik 25era. Erakundearen 108. bilkura izango da Euskal Herrian egingo dena, eta 70 estatutako 300 ordezkari etorriko dira.


Azkenak
EGILEA
Eguneraketa berriak daude