ELA eta LAB sindikatuek langile batzordearen aurretik publikoki iragarria zuten greba jarraitzearen alde egingo zutela. Gaur bildu dira sindikatu guztietako ordezkariak, eta gehiengoak borroka mantentzearen alde egin du (Tubacexeko langile batzordean ELAk lau ordezkari ditu, CCOOk lau, STATek hiru, LABek bat eta Independenteek bat). Iragarri dute enpresako zuzendaritzak kaleratu nahi izan dituen langileak lan txandetan sartu arte mantenduko dutela greba eta zentzu horretan zuzendaritzari eskatu diote EAEko auzitegi Nagusiak aurreko astean emandako epaia bete dezala. Negoziaziorako prestutasuna agertu dute langileek, baina oinarri hori mantenduz gero soilik.

159. greba eguna

Astelehenean 159 egun bete dira otsailaren 11n Tubacexeko langileek greba mugagabeari hasiera eman ziotenetik. Agurain eta Laudioko lantegietan piketeak egiten jarraitzen dute egunero.