Tubacexeko grebalarien atzean Aiaraldea osoa dagoela aldarrikatu dute
Agerraldi jendetsua egin dute gaur eguerdian Aiaraldeko Erresistentzia Kutxako kideek Tubacex enpresako Laudioko lantegiaren aurrean. Ehunka lagun bertaratu dira deialdira: Tubacexeko langileak, pentsiodunak, ikasleak, beste enpresa batzuetako beharginak, merkatariak, erresidentzietako beharginak edota mugimendu feministako kideak, besteak beste.
Tubacexeko grebalarien atzean eskualde osoa dagoela aldarrikatu dute prentsaurrekoan. Tubacexeko bi langilek hartu dute hitza lehenbizi, erresistentzia kutxaren izenean.
176 greba egunen errepaso zabala egin dute, eta kritika zorrotza egin diete komunikabideei, multinazionalaren zuzendaritzari edota erakunde publikoei. Enpresan egondako lan heriotzak gogora ekarri dituzte, eta erresistentzia kutxak ogasunaren partetik izan duen jarraipena ere salatu dute, besteak beste.
“Gure borroka azpikontratazioa eta gure enpleguen prekarizazioa eragozteko da, gure enpresaren eta bailararen biziraupena eta etorkizuna bermatzeko, bai eta kaleratutako 128 lankideak behin betiko eta bermeekin berronartzeko ere. Gure ustez, borroka hori bidezkoa da, eta ez du merezi erakunde batzuetatik jasaten ari garen kriminalizazioa”, adierazi dute.
Horrez gain, nabarmendu dute erresistentzia kutxa ez dela gatazka luzatzeko tresna bat, “epaiek langileei aitortutako eskubide eta lanpostuak berreskuratzeko” baliabide bat baizik. Gauzak hala, herritar orori luzatu diote ekarpen ekonomikoa egiteko gonbita, “bakoitzak ahal duen neurrian”. Kontu korronte hau jarri dute horretarako: ES31 3008 0214 16 4417535921.
Bide batez, gogoratu dute enpresak ez dituela kaleratutako langileak altan eman Gizarte Segurantzan eta, ondorioz, epaileen sententzia bete gabe jarraitzen duela.
Eskualdearen defentsa
Langileen ondoren, Aiaraldeko bi bizilagunek hartu dute hitza, erresidentzia bateko langile batek eta tabernari batek.
Bi mezu helarazi nahi izan dituzte. Alde batetik, behingoz etetea eskatu dute “Tubacexeko kideen aurkako mehatxuak, eguneroko poliziaren jarrerak, baita manipulazio mediatikoak eta prozesu judizialak ere”.
Ildo beretik, langileak kriminalak ez direla aldarrikatu dute. “Eusko Jaurlaritzari eskatzen diogu berehala eta berme osoz betearaz dezala Euskal Autonomia Erkidegoko Auzitegi Nagusiaren epaia, kaleratutako guztiak berriro onartzera behartzen duena, eta eskualde honen etorkizunarekin inplika dadila, hitz polit eta promesa arinetatik harago”.
Ildo beretik, presentzia polizialarekin amaitzea eskatu diote Segurtasun Sailari, eta eskaera zuzena egin diete baita komunikabideei: “eskualde apal eta langile honen izena zikintzeari uztea gezur eta manipulazioekin, askotan informatu beharrean gatazka sortzeko helburuz jarduten baitute”.
Bestetik, “elkartasunik beroena” helarazi nahi izan diete Tubacexeko langileei eta euren senideei: “Haien borroka ez da Tubacexen aldeko borroka bakarrik, guztiontzako etorkizun eta enplegu duin baten alde ari dira borrokan eta, bide horretan, esan nahi dizuegu auzokide asko dituzuela ondoan laguntzeko: laguntza ekonomikotik hasi, baina baita seme-alabak zaindu edota beharrezkoak diren bestelako lanetan sostengatzeko ere. Ez izan zalantzarik laguntza eskatzeko, borroka hau kolektiboa baita, eta beste behin ere modu honetan egingo baitiogu aurre, kolektiboki”.
Zentzu horretan, datozen asteek “garrantzi berezia” izango dutela nabarmendu dute eta, horregatik, babes ekonomiko eta soziala handitzeko deia luzatu diete herritar guztiei.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]