Tubacexeko gehiengo sindikalak eta zuzendaritzak adostutako akordioa ez dago arriskuan, ELA eta CCOOren arabera
Zenbait komunikabidek argitaratutakoaren kontra, Tubacex enpresako grebaren amaiera ekarri zuen akordioa ez dago zalantzan. Berez, Langile Batzordea eta zuzendaritza lanean ari dira, aurreikusi bezala, eredu legal egokiena topatzeko.
Komunikabide batzuek argitaratutakoaren kontra, ELAk, CCOOk eta Independenteek Tubacex enpresako zuzendaritzarekin sinatutako akordioa ez dago zalantzan.
Zehazki, www.cronicavasca atariak argitaratu du artikulua, zeinean adierazten duen Garbiñe Biurrun epaileak bertan behera utzi duela bi aldeek sinatutako dokumentua.
Berez, Edu Ibernia Langile Batzordeko presidenteak argitu dio Aiaraldea Komunikabideari akordioa ez dela ezta epaileen eskuetara heldu eta, momentuz, sindikatuen zerbitzu juridikoak lanean ari direla Epaitegiko Aretoetako idazkariekin formula legal egokiena topatzeko -zentzu fiskalean zein eskubideen aldetik-. Beharginen ordezkariek nahi dituzte berme guztiak enpresa utzi nahi dutenentzat, zein euren lanpostuetara itzuli nahi dutenentzat, irteera boluntarioa onartu ostean.
Amorrua komunikabidearekin
Ez da lehen aldia komunikabide horrek ezinegona sortzen duena lan gatazka horren harira eta, bereziki, ELA oso haserre agertu da kazetariarekin. Edu Iberniak, Enpresa Batzordeko lehendakariak, hitz egin du testuaren egilearekin eta gezurra esatea leporatu dio, greban gertatu bezala.
Bere afiliatuei zabaldutako oharrean, ELAk jakinarazi du "azken orduetan agertutako albisteak, akordioa apurtu dela esaten dutenak, guztiz faltsuak eta asmo txarrekoak" direla.
Zentzu berean, CCOOk mezua bidali die bere kideei ziurtatzeko akordioa ez dagoela arriskuan eta une hauetan irteera boluntarioen zein berriro onartu behar diren langileen egoera homologatzen saiatzen ari direla. Halaber, "nahasgarritzat" jo dituzte agertutako albisteak.
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
“Gabezia guztiekin ere, sindikatuek gizateriaren alde inoiz egon den beste edozein giza erakundek baino gehiago egin dute. Duintasunari, zintzotasunari, hezkuntzari, ongizate kolektiboari eta giza garapenari beste edozein pertsona-elkartek baino gehiago lagundu... [+]
Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
