Tubacexeko Enpresa Batzordeak dio ez duela multinazionalak helegitea erretiratzeko asmoaren berri ofizialik
Enpresa Batzordeak harridura adierazi du multinazionalak plazaratutako azken prentsa oharraren aurrean. Tubacexek adierazitakoaren jakinarazpen ofizial baten faltan, lan gatazkaren konponbidea negoziaketa mahai batean landu beharra dagoela azpimarratu dute langileek.
Enplegua Aldi Baterako Erregulatzeko Espedientearen negoziaketa akordiorik gabe amaitu eta Tubacexek langileen proposamenak alboratu ostean, multinazionaleko zuzendaritzak prentsa oharra plazaratu zuen atzo, Espainiako Auzitegi Gorenean jarritako helegitea erretiratzeari zirrikitu bat irekiz. Baldintza bat jarri zuen: sindikatuek multinazionalak oraindik zehaztu ez dituen "neurri estrukturalak" onartzea.
Enpresa Batzordeak adierazi du harriduraz jaso dituztela enpresaren azken adierazpenak. Izan ere, multinazionalak ez du inondik inora horrelakorik adierazi azken negoziaketa prozesuan, beharginek eztabaida mahai gainean jarri duten arren. Helegitea erretiratzeko aukeraren jakinarazpen ofizialik ez dutela jaso azaldu dute langileek: "Ez dakigu aukera bat edo enpresaren aurpegi zuriketa berri bat den".
Gauzak horrela, dagoeneko 211 egunez luzatu den lan gatazkari aterabidea emateko borondatea berretsi dute langileen ordezkariek: "Bi aldeoi dagokigu lan gatazkari konponbide bat bilatzea, eta hori negoziaketa mahai batean landu beharra dago".
"Mafia siziliarra"
Duela bi egun Arabako SEA patronalaren buruak "mafia siziliarraren" praktikak egotzi zizkien Tubacexeko sindikatuei. Enpresa Batzordeak plazaratutako oharrean adierazpen horiek deitoratu ditu, argi utziz EAEko Justizia Auzitegi Nagusiko epaiak multinazionalak aplikatutako Enplegua Erregulatzeko Espedientea baliogabetu zuela, bere ordez Enplegua Aldi Baterako Erregulatzeko Espedientea proposatuz. "Ondorioz, adierazpen horiek ez dute tokirik prozesu honetan, ez badira intentzio maltzur eta interesatu batekin egiten", azpimarratu dute langileen ordezkariek.
Enpresa Batzordeak, orain arte egin bezala, bere posizio eta jarduna publikoki azaltzen jarraituko duela nabarmendu du: "Mundu guztiak jakin dezan gure jarrera zein den".
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
Sei hilabete bete dituzte Gasteizko lorezainak greba mugagabean. Hamaika mobilizazio eta Enviser enpresarekin zein Udalarekin eginiko bilera batzuen ostean “epe laburrean” akordiorik lortu ezean borrokarako fase berri batean sartuko direla iragarri dute langileek... [+]
Flotillari Israelek eraso eginez gero, greba orokorra antolatzeko prest zeudela adierazia zuen Italiako sindikatu handiena den CGIL-eko buruak, Il Messaggero egunkariak jaso duenez. Asteazken gauean, deialdia jada publiko egin dute: ostiralean greba orokorra.
Armadoreak salatu zuen hamasei arrantzaletik hamabi matxinatu egin zirela, eta Guardia Zibilak artatu eta gero, Asturiasen egon da amarratuta. Asteazken goizaldean heldu da Getariako portura.
Enplegua Erregulatzeko Espedientearen kontsulta epe barruan zuten adostuta batzarra Langile Batzordearekin, baina enpresariak ez dira agertu.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]