Hainbat orduz Behobiako muga blokeatu dute euskal herritarrek Tsunamiren deia jarraituz

Zuzeneko jarraipena
  • Tsunami Democrátic taldeak Herrialde Katalanak banatzen dituen Frantziar eta Espainiar estatuen arteko muga blokeatzeko deia egin zuen astelehenean. Asteartean, Euskal Herria eta Frantzia banatzen dituen Behobiako muga ixtera ere dei egin du.

Tsunami Democratic-ek hiru eguneko protesta amaitutzat eman du

Tsunami Democratic-ek astelehenean abiatutako ekimenak Espainiako Estatua iparraldeko mugan Europatik bakartua uztea lortu duela adierazi du sare sozialetan zabaldu duten azken oharrean.

Hilaren 11tik 13ra Espainiaren eta Frantziaren arteko bi bide nagusiak blokeatu dituzte Katalunian, eta horri Behobiako blokeoa gehituz gero, Espainiako Estatua aislatuta geratu dela ospatu dute.

 

Biriatuko peajean 20 minutuz ibilgailu blokeoa izan zen
Biriatuko peajetik 100 metrotara

Urruñako Leclerc saltegian biltzeko deia egina zuen Tsunamic Demokratikoak 18:00etarako, “Barraskilo operazioa” izenpean. 100 laguneko talde batek bilkura egin ondoren –jendarmeak inguruan zebiltzan, irriz– autobiderako bidea hartu zuen. Biriatuko ordainlekua 50 auto inguruk 20-30 minutuz blokeatu zuten pasabidea. Frantziar poliziak  “erraz” desegin zuen bost kilometroko ibilgailu ilara.

Hainbat orduz Behobiako muga blokeatu dute euskal herritarrek Tsunamiren deia jarraituz

18:00etan zegoen deialdia egina, eta ordurako auto ilarak nabarmenak ziren. Ez-ohiko kamioi trafikoa ibili da egunotan Behobiako mugan, asko Nafarroan barrena etorrita. Ziurrenik Katalunian Jonquerako muga moztu izanak izan du zerikusirik.

Tsunami Demokratikoak egindako deiari erantzunez, hainbat gidarik A8a moztu dute Oiartzungo ordainlekua igaro berritan. Talde txiki ugaritan hainbat orduz luzatu da blokeoa, azpiko txio eta bideoetan ikus daitekeeenez.

 

Trafikoa geldotzen hasia da jada Ipar Euskal Herriko noranzkoan

Trafiko astuna dagoela ohartarazi du Twitterreko erabiltzaile batek. Euskal Tsunamiak 18:00tarako jarri du ekimena hasteko ordua, baina lehen kotxeak agertzen hasi dira jada.

 

Eider Mendozak muga blokeatzearen deia "errespetatuko" duela esan du

Eider Mendoza Gipuzkoako Gobernantza diputatua eta foru bozeramaleak ez du ez aldeko, ez aurkako balorazioarik egin Behobiako muga blokeatzeko asmoz egindako deialdiaren inguruan. Bai adierazi dio COPE irratiari "protesta egiteko eskubidea errespetatzen" duela. Balorazioak gertakaria burutu ondoren egingo dituela adierazi du.

 

Josu Erkorekak muga libre uztea eskatu du

Josu Erkoreka Eusko Jaurlaritzako bozeramaileak Behobiako muga libre uztea eskatu du duela ordu gutxi egindako agerraldian, hedabide ugarik argitaratu dutenez. Eskatu du "zirkulazio askearen eskubidea" errespetatzea, eta jakinarazi du Jaurlaritza ez dela horrelako ekintzak egitearen aldekoa.

Egoeraren aurrean zerbait egingo duten ala ez galdetu diotenean, erantzun du "itxaron"egingo dutela, mugimenduak ekarriko duen eraginaren arabera, eta "elkarretartzeak baimenik baduten ala ez jakin arte".

Josu Erkoreka, gaur eman duen prentsaurrekoan

 

Euskal Tsunamia Telegram kanala sortu dute

Mugikorreko Telegram aplikazioan Euskal Tsunamia kanala sortu dute.

Bertan deialdien berri ematen ari dira.

Euskal Herriko toki desberdinetan elkartzeko eta Behobiako muga blokeatzeko deia egin dute

Telegram aplikazioko Euskal Tsunamia kanala sortu dute, eta bertatik Euskal Herriko hainbat puntutan Behobiako muga blokeatzera joateko egingo diren elkarretaratzeen berri eman dute. Hona herrietako elkarretaratzeak:

- Oiartzunen, 18:00etan ordainsaria pasata.
- Donostian, 17:30ean Garbera merkatal gunean elkarrekin joateko.
- Deustun, 16:20an Erriberan, arraun taldeko pabelloian.
- Bilbon, 16:30ean Miribillako parkinean, Bilbao Arenaren goiko partean.
- Ondarrun, 16:00etan Zaldupetik.
- Lekeition, 16:15ean Mandaskan.
- Durangon, 17:00etan Tabirako parkinean.
- Gasteizen, 16:00etan Amaian zentroan.
- Urruñan, 18:00etan Leclerc-eko aparkalekuan.

Horrez gain, deialdi gehiago badaude Twitterreko #EuskalTsunamia edo #TsunamiDemokratiko traolen bidez informatzea eskatu dute.

 

"Behobiako muga inposatua kolapsatu dezagun"

"Barraskilo operazioa" eman diote izena Euskal Herrian deitutako deialdiari, eta 18:00etan biltzera deitu dute jendea, Oiartzungo A8ko peajearen ondoan. Helburua errepidea moztu eta Hendaiarantz bidea egitea da, 60 kilometro orduko abiaduran.

"Katalunia eta Euskal Herriarentzako eskaintza demokratikoaren garaia da. Horregatik estatuari argi esaten diogu Spain sit and talk", irakur daitete oharrean. Nabarmendu dute arazoa ez dela ez Katalunia ez Euskal Herria, baizik eta Espainia, "ez delako gai bizi duen lurralde auziari irtenbide demokratikoa emateko". Bi herrion kasuan, gatazkaren irtenbidea autodeterminazio eskubidea errespetatzean datza, beren hitzetan.

 

"Ocupem Behobia" deialdia

Kataluniako hainbat herritarrek astelehenetik dihardute Jonquerako muga blokatzen. Asteartean Frantziako Polizia oldartu zaie, muga desbloketatzeko saiakeran; Espainiako Estatuko aldean Mosso d' Esquadra eta Guardi Zibila elkarlanean ari dira ekintzaileen aurka eta autopista libratzeko saiakeran.

Egoera hori izanik ere, Tsunamiak ekintza mantentzen duela adierazi du: Sare sozialen bitartez, N-II errepidearen eta AP7 autopisten arteko bidegurutzean elkartzeko deia egin du blokeoari jarraipena emateko; eta aurki helarazi duten ohar bidez Euskal Herria eta Frantzia arteko Behobiako muga ixtera ere dei egin dute.


Kanal honetatik interesatuko zaizu: Independentismoa
Mikel Oteiza, Atarrabiako alkatea: “Gure eraikinetatik euskalduntasunarekin lotura duten ikur eta adierazpen guztiak modu basatian ari dira ezabatzen”

Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]


2024-02-19 | Leire Artola Arin
Bizi baldintzen gogortzea eta pribatizazioaren areagotzea izan dira Talaia Feministaren 2023ko ondorio nagusiak

Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]


2024-02-04 | Karmelo Landa
Independentzia nola?

Euskal Herriaren eta Kataluniaren independentzia aztergai da atzerrian. Nevadako Unibertsitateak, Renon, Ameriketako Estatu Batuetan, liburu mamitsua argitaratu berri du, ingelesez, Pro-independence movements in the Basque Country and Catalunya [Independentziaren aldeko... [+]


Eguneraketa berriak daude