Trebiñuko PPk herriko eskolan euskara irakasten hasteko adina aurreratu nahi du
Gaur egun Lehen Hezkuntzako seigarren mailatik aurrera irakasten dute euskara, eta ikasle asko administratiboki ere Araban kokatuta dauden ikastetxeetara joaten dira, euskara lehenagotik ikasteko. Hezkuntza eta Euskarako PPko zinegotziak azpimarratu du epe luzeko asmoa dela, eta gai "polemikoa" dela.
Trebiñuko PPk herriko ikastetxean euskara irakasteko adina aurreratzeko asmoa iragarri du, Diario de Burgos egunkariak argitaratu duenez. Gaur egun Condado de Treviño ikastetxe publikoan Lehen Hezkuntzako seigarren mailan hasten dira euskara irakasten, Gaztela eta Leongo Juntak ez baitu baimentzen adin horretatik behera irakastea.
Hezkuntza, Euskara, Gizarte Ongizate eta Berdintasuneko zinegotzia da María del Carmen Pascual, eta adierazi du gaur-gaurkoz horrela geldituko bada ere, etorkizunean Gaztela eta Leongo erkidegoko administrazioarekin landuko dutela gaia, euskara irakasten lehenago has daitezen. Onartu du gaia “polemikoa” dela, eta asmoa epe luzerako dela. Baina ohartarazi du egin ezean haurrak administratiboki ere Araba diren lurraldeetako ikastetxetara alde egiten jarraituko dutela.
Zinegotziak adierazi duenez, gurasoen elkarteko kideek udalari esan diote gazteek euskara ikasi behar dutela, aurrerago inguruko herrietan lan egin ahal izateko. Pascualek azpimarratu du euskara lehenago irakastea lortuko balute ere, horrek ez liokeela gaur egun eskolan irakasten duten bigarren hizkuntzari, ingelesari, kalterik egingo. Izan ere, ikastetxe horretan hezkuntza "elebiduna" eskaintzen dute, eta zinegotziaren ustez, hori “ezin dute galdu”.
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ertzetatik aztertu dute hizkuntza UEUk antolatutako Euskararen periferiak jardunaldietan. Euskarak dituen testuinguru oztopatzaileez mintzatu dira Beñat Garaio HABEko ikerlaria, Iker Villa abeslaria eta aktorea, Diego Pallés EHUko ikerlaria eta Maialen Gago Guka... [+]
"Euskaraz bizi nahi dugu" mezua tindatu zuten larunbatean, eta 48 oren inguru eman dituzte atxiloaldian ekintzaileek. Gorka Torre kontrol judizialpean askatu du prokuradoreak, epaiketaren zain; bertze hirurak komisariara deituak izanen dira.
'Hiri Buruzagia loratzen. Loratu ala hil' lelopean sortu da Irauli proiektu berria, euskarazko kalitatezko jarduerak eta zerbitzuak eskaini nahi dituena; hizkuntzaren indarberritzean oinarrituta.
Iragan berria den Donostiako Zinemaldian euskarazko hiru lan eskaini dira prestigiozko Sail Ofizialean: Maspalomas, Karmele eta Zeru ahoak.
Festibala gutxi gorabehera erdira heldu zenean ohartu nintzen laugarren bat ere bazegoela euskal zinea labelarekin: Los domingos. Bilbon... [+]
Buruilaren 27an ebiakoitz huntan Euskal Herrian Euskaraz-ek Baionan salatu du Euskara bigarren mailako hizkuntza bezala kontsideratua dela. "Euskaraz bizi nahi dugu" mezua margotu dute departamenduaren egoitzaren gainean.
'Itun Soziopolitiko berrirako eskaintza' dokumentua aurkeztu du Euskalgintzaren Kontseiluak, Batuz Aldatu dinamikaren barruan hainbat eragilerekin egindako agerpenean. Eragileek atxekimendua egiteko dokumentu sinagarri bezala aurkeztu dute, eta luze eta zabal azaltzen... [+]
Euskara biziberrituko bada, hizkuntza politiketan jauzi bat ematea ezinbestekotzat du Euskalgintzaren Kontseiluak. Jauzi hori emateko proposamen bat aurkeztu du, eta itun soziopolitiko berri baterako deia egin du, irailaren 26an, Batuz Aldatuko Sinatzaileen II. Batzarrean... [+]
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
"Ongi etorri Iruñera" zikloa bueltan da. Urriaren 30ean hasiko da migrante eta errefuxiatuekin euskarara hurbiltzeko topaketen bigarren edizioa eta izena emateko epea irekia dago.
Mugikortasun agenteen euskara eskakizunaren sententzia salatzeko, Egiako Justizia jauregiaren aurrean elkarretaratu dira Donostian.
