Trans Legearen onarpena bultzatzeko eskatu diete euskal diputatuei Euskal Herriko LGTBI kolektiboek
Transen eskubideak murrizten dituzten zuzenketen aurkako adierazpenaren bidez, Espainiako Kongresuan ordezkaritza duten Hego Euskal Herriko diputatuei zenbait eskakizun helarazi dizkieten hainbat LGTBI kolektibok. Trans Legearen onarpena bultzatzea eskatu diete, baita legeari egiten zaizkion zuzenketa batzuk oztopatzea eta beste batzuk defendatzea ere; zehazki, trans pertsonen eskubideak mugatzen dituzten zuzenketei babesik ez erakusteko eskatu diete, eta kontrako norabidean doazenak defendatzeko.
aurre egingo dieten hedabide independenteak
Euskal Herriko LGTBI kolektiboaren parte diren hainbat kolektibok sinatu dute Transen eskubideak murrizten dituzten zuzenketen aurkako adierazpena. Zehazki, Loratuz Lotu, Siendo Tu, Dekumas, Fenix, Lumagorri, Transkolore, Kattalingorri, EHGAM, Ozen! LGTB, Sare Lesbianista eta Safikak taldeek izenpetu dute manifestua, helburu argiarekin: Trans Legeari Espainiako Kongresuan jartzen ari zaizkion oztopoak salatzeko batetik, eta Espainiako Parlamentuan ordezkaritza duten Hego Euskal Herriko diputatuei legearen onarpena bultza dezatela eskatzeko, bestetik.
Elkarteek 2021eko maiatzean proposatu zuten testuari hasieratik jarri zaizkion trabak azpimarratu dituzte adierazpenean. Gogorarazi dute hastapeneko testu haren tramitazioa baztertu egin zela lehenik, eta haren tokian Ministroen Kontseiluak aurkeztutako proposamenak "hasierako testuarekin alderatuta eskubideen murrizketa argiak" jasotzen zituela. "Geroago, Estatu Kontseiluak hilabeteak behar izan zituen loteslea ez zen nahitaezko txosten bat egiteko, nahiz eta Berdintasun Ministerioak lege hori urgentziaz izapidetu. Azkenik, Legebiltzarreko izapidea hasi da eta PSOEk behin eta berriz luzatu du, eskuinaren eta ultraeskuinaren babesarekin".
Bilakaera horrek adierazten duenez, Trans Legearen tramitazioa gatazkatsua izaten ari da Espainiako Parlamentuan. Hein handi batean, PSOEren baitan legearen aurka dauden ahotsek eraginda. Zuzenketen bidez, saiatzen ari dira legeak trans pertsonei emango lizkiekeen eskubideak mugatzen. Horren adibide genero autodeterminazioari jarri nahi dion traba, eskatuz 14 eta 16 urte artekoek baimen judiziala behar izatea sexu aipamenean aldaketa egiteko, jatorrizko proposamenak zioenaren kontrara.
Transen eskubideak mugatzen dituzten gisako zuzenketen aurrean, "epeak gehiago luzatu gabe", transen eskubideak zabaltzeko xedea duten zuzenketak babesteko eskatu diete euskal diputatuei Euskal Herriko LGTBI kolektiboek. Zentzu horretan, ondoko eskakizuna ere helarazi diete: Trans Legea bozkatzeko unea iristean, beren alderdiko boto diziplina haustea, baldin eta boto horrekin araua oztopatuko edo transen eskubideak murriztuko dituen zuzenketaren bat onartuko bada.
Egoera premiazkoa dela gogorarazi dute, batez ere, legea onartu artean transek eguneroko indarkeriei aurre egin behar dietelako. "Transfobia gure bizitza une oro zeharkatzen duen egiturazko indarkeria bat da; lanaren, eskolaren, osasunaren, erakundeen eta abarren esparruan". Are, legearen tramitazioa luzatzeak eta legearen harira sortu den gatazkak indarkeria hori areagotzea ekarri duela salatu dute: "Astez aste, egunez egun, hazten doan areriotasuna sortu du. Iraindu, mespretxatu eta zalantzan jartzen gaituzte. Trans identitateak solasaldien xede dira, non mundu guztiak duen iritzia emateko eskubidea, eta hori gertatzen den bitartean, indarkeria giroa hazten doa gure aurka. Gezurrez betetako eztabaida ireki da, izen ona kentzeko irrikaz, gizartearen bazterrera aldentzen jarraitzeko irrikaz".
Hori horrela, trans kolektiboa "eskubideen subjektu gisa" onartzea eskatu dute. Defendatu dute genero autodeterminazioaren eskubidea bermatu beharko litzatekeela, EAEko eta Nafarroako legeetan jasota dagoen eskubidea denez gero. "Posible izan bazen hango legebiltzarretan gehiengo politikoak eskubide hori onartzea, orain zergatik ez?, luzatu dute galdera.
LGTBIQ+ Komunitatearen Nazioarteko Eguna dela eta, hainbat kolektibok deituta sexu askapena eta harrotasuna aldarrikatu dituzte larunbatean Euskal Herriko hiriburuetan eginiko manifestazioetan. Loratuz Lotu, Anitzak, Lumagorri eta Sumin Trans taldeek jaso dute Ehgamek... [+]
Argitaratutako oharrean, EHGAM Euskal Herriko Sexu Askapen Mugimenduak ohartarazi du "faxismoa eta ideia faxistak" zabaltzen ari direla mundu mailan, eta "erresistitzeko prest" daudela: "Beldurra baino askoz handiagoa da sentitzen dugun amorrua".
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
‘Xoka. Jite disidenteak’ jardunaldiak antolatu ditu Ehgam Nafarroak. Hiru saio eginen dituzte Iruñeko Laban: azaroaren 5ean, 13an eta 19an.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Eraso LGTBI+fobiko eta matxistak espazio publikoan ematen direla gehien adierazi dute mugimendu hauek urtero ateratzen dituzten txostenen arabera. Gasteizko Mugimendu Feministak eta Lumagorri elkarteak guztien plazera erdigunean jarriko duen jai eredu bat nahi dute, eta neurri... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Lo que quede (euskaraz 'geratuko dena', Continta me tienes argitaletxea) liburuan bere senar ohiaren tratu txarrak eteteko prozesua harilkatu du eguneroko indarkeria matxisten kontakizunekin, eta bere bizitzako emakumeekin batera eraiki duen orainaldi gozagarriaren... [+]
Zaintzan oinarrituriko gau aisialdi “askeagoa” eta “seguruagoa” sortzeko asmoz sortu da Harrika kolektiboa. Bi urte daramatzate Gasteizen tekno besta kuir eta feministak egiten. Uztailaren 26tik 28ra Harrikada Festibala izanen da Izarran (Araba).
Diru publikoa LGBTI+ kolektiboaren problematikak merkantilizatu eta administrazioaren “pinkwashing-a” egiteko soilik erabiltzea egotzi die erakundeei.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]