Torrak ERC-rekin eten eta aurrekontuak onartu ostean hauteskundeak deituko ditu
"Legealdia luzatzeko modurik ez dago", esan du Joaqim Torra Kataluniako lehendakariak hauteskundeak deituko dituela iragartzean. Herritarren aurrean onartu du ere konfiantza galdu duela ERCrekiko. Bide itsuan harrapatuta zegoen Torra, Parlamentuko Mahaiak –Roger Torrent errepublikanoa buru– astelehenean bere gain hartu ondoren Generalitateko presidenteak diputatu akta galdu behar zuela, Hauteskunde Batzordeak agindu bezala. Horregatik iragarri du Torrak parlamentuan aurrekontuak onartu ostean ziurrenik martxoaren amaieran edo apirilaren hasieran egingo dituztela hauteskundeak Katalunian.
"Joan den astelehenean, eskumenik ez zuen organo batek [Hauteskunde Batzordeak]- diputatu akta gabe utzi ninduen", deitoratu du lehendakariak. Legealdia agortuta dagoela onartu arren, aurrekontuak onartzearen garrantzia azpimarratu du: "Ardurarik handienez jokatzeko garaia da eta Katalunia jarri behar dugu beste edozein interes alderdikoiren gainetik. Gizarte behar asko konpondu behar dituzten aurrekontuak onartzea eskatzen du". Pere Aragones Kataluniako Gobernuko presidenteordeak, gaur aurkeztuko dizkie aurrekontuok gainerako kontseilariei, Parlamentura eraman eta azken onarpena eduki dezaten.
Zorrotz mintzatu da Torra ERCren kontra: "Astelehenean ez zen independentismoaren adostasuna errespetatu. Aurretik ere aurkitu izan gara errepresioa saihesteko borondatearekin. Baina ziur nago makurtu barik egiten zaiola aurre errepresioari. Gobernuak ezin du funtzionatu ez badago bere kideen artean batasunik, estrategia partekaturik eta leialtasunik. Lehendakaritza den instituzioa babesik gabe utzi da, lehendakariari bere diputatu kargua erantzita. Eta honek Kataluniako Gobernua arriskuan jartzen du".
Cal posar el país i les seves necessitats per damunt de qualsevol interès i avançar cap a l’objectiu de culminar el mandat de l’1 d’Octubre retrobant-nos en la unitat. Una vegada s'hagin aprovat els pressupostos al Parlament, anunciaré la data de les eleccions pic.twitter.com/ydmtAzFQjG
— Quim Torra i Pla (@QuimTorraiPla) January 29, 2020
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]
Ura aurrezteko ordenantzak onartu nahi dituzten udal guztiak, tartean Bartzelona, Sant Cugat del Vallèsera joaten dira. Udalerri horrek ura aurrezteko bere lehen araudia onartu zuen 2002an, eta 2008an eta 2018an eguneratu zuen, murriztaileagoa izan zedin.
Kopa baten, kulero menstrual baten edo konpresa berrerabilgarri pare baten artean aukeratu ahal izango da.