Tolosaldeko osasun langileek kudeaketa publikoko ospitalea eskatu dute
83 mediku, erizain, fisioterapeuta nahiz administrazio langilek kezka azaldu dute Asunción klinika pribatuak (Osasun sailarekin duen hitzarmenaren bidez) ematen duen zerbitzuaz.
Tolosako espezialitateen anbulatorioan egin dute agerraldia, eta estreinakoz hitza hartu dute osasun langileek. Hasteko, Asuncion klinika kudeatzen duen Inviza enpresak Osasun sailarekin duen hitzarmena izan dute hizpide: 2016an amaituko dela eta, lau urteotako osasun-zerbitzua aztertu eta aurrera begirako eredua zehazteko garaia dela uste dute.
Horren harira, beraz, "kezka" azaldu dute egungo zerbitzuaren inguruan, hainbat arrazoi zerrendatuz. Batetik, Tolosaldeko osasun langileen ratioa beste hainbat eskualdetakoa baino "askoz ere baxuagoa" dela nabarmendu dute eta, era berean, lan-baldintzez ere aritu dira: "Osasun zentro publikoetakoak baino askoz ere okerragoak dira gure baldintzak".
Osasun eskualdeko espezialitateen "urria" ere gaitzetsi dute osasun langileek, agerraldian. Guardietan espezialitate medikurik ez dela egoten diote, eta traumatologo nahiz kirurgilaririk ez dela sekula izaten, aurrez aurreko kontsultetan. Bide beretik, "Tolosaldeko osasun zerbitzuak ez du oftalmologia, otorrinolaringologia eta urologia medikurik eskaintzen, ez aurrez aurre, ez jardunean ere".
Espezialitateei dagokienez, gainera, beste salaketa zenbait ere egin dituzte, agerraldia baliatuz: mediku espezialista batzuk lanaldi erdian aritzen direla gaitzetsi dute; halaber, espezialista izan gabe, espezialista lanetan aritzen diren profesionalak daudela diote; eta, gainera, erretiroa hartutako medikuak ere lanean aritu izan direla, zenbait postutan.
Azkenik, Tolosaldeko osasun zerbitzuaren azpiegiturak "isolatuta" daudela diote, osasun-eskualdean bi sistema informatiko propio dituelako: "Asuncion klinikan egitekoak ziren obrak ez dira egin, gainera, eta ospitale horrek ez du beharrezko material eta espaziorik".
Andoain, Legorreta eta Tolosaldeko 28 udalerriak artatzen ditu Tolosaldeko osasun zerbitzuak eta, "oraingoz", 83 profesionalek egin dute bat, azken aldarrikapenarekin: "Ezaugarri horiek guztiak biltzen dituen ospitale batek ezin du kudeaketa publikoko ospitale publiko batek eskain dezakeen zerbitzu bera bermatu. Horregatik, Tolosaldeko herritarrek EAEko gainerako herritarren zerbitzu bera jaso dezaten, bi eskari egin nahi ditugu: Asuncion klinika publiko egitea eta beharrezko azpiegiturak dituen espezialitateen anbulatorioa osatzea".
Azaroaren 7an, agenda martxan
2016ko azarorako urtebete faltan, TOPA (Tolosaldea Osasun Publikoaren Alde plataforma) lanean jarri da jada, aurrera begirako pausoa emateko. Horrela, langileen agerraldia baliatu dute datorren azaroaren 7ko mobilizazioaren berri emateko. Eskualdeko gizarte eragileei eta, oro har, herritarrei dei egin diete aldarrikapenarekin bat egin eta hurrengo larunbatean 12:00etan Tolosako Trianguloa plazara bertaratzera.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak... [+]
Sindikatuak salatu du apiriletik ez dela haurrik artatzen larrialdietan. Ohartarazi du “aspalditik” ari direla zerbitzuak gutxitzen, ez bakarrik pediatrian. Maiatzaren 16an, 14:00etan, kontzentrazioa egingo dute ospitaleko sarreran.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra"... [+]
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.