Tolosako hilerrian musulmanak lurperatzeko lekua egokituko du udalak

  • Urte honen amaierarako Tolosako San Blas auzoko hilerrian lekua egokituko du udalak herritarrak erritu musulmanen arabera ere bertan lurperatu ahal izateko. Donostiako udala ere Polloe hilerria egokitzen ari da.

Argazkia: Tolosaldeko Ataria.

2022ko abuztuaren 23an - 11:36

Musulmanen "al-dafin" hileta errituak zehazten du hilobiek Mekara begira egon behar dutela, eta gorpua zuzenean lurrari eman behar zaiola hilkutxarik erabili gabe, alde baterantz etzana (eskuinerantz). Hilkutxa erabiltzen dute askotan, Euskal Herrian bezala derrigorra baita leku askotan.

Pandemiak Euskal Herrian bizi den komunitate musulmanari zaildu egin zion bere kideei agurra eman ahal izatea, izan ere, mugak itxi zirenez ezin zituzten gorpuak hildakoen jatorrizko herrialdeetara eraman, eta bestetik, bertako hilerriak ez zeuden erritu musulmanen arabera ehorzteko prestatuak.

Euskal Herrian hilerriak egokitzen ari diren udalak

Tolosaldeko Ataria hedabideak jakitera eman duenez, sei udal dira 2018tik Eusko Jaurlaritzarekin elkarlanean Ados batzordean parte hartzen ari direnak, hainbat herritako hilerrietan ehorzketak egiteko espazioak sortzeko asmoz: Arrigorriaga, Gasteiz, Donostia, Ordizia, Elgoibar eta Tolosa. Jaurlaritzaren helburua da epe ertainean eskualde bakoitzak musulmanen errituen arabera lurperatzeko espazio bat egokitutako hilerria izatea.

Donostia da izapideak gehien aurreratuta dituen hiria. Polloe hilerrian 400 metro koadroko gune bat prestatzen hasi da, 280 gorpu hartzeko edukierarekin.

 

 

 

 


Kanal honetatik interesatuko zaizu: Erlijioa
2024-05-16 | Aiaraldea
Moja klaratarrek Eliza utzi dute, Urduñako komentua erostea eragotzi dietelako, eta eskuin muturreko sekta batera batu dira

Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]


2024-04-24 | Edu Zelaieta Anta
Duda-muda

Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]


Sabbatai Zevi mesiasaren irakaspenak

Esmirna (Turkia), 1647. Sabbatai Zevi rabinoak (1626-1676) bere burua mesias izendatu zuen. Autoizendatze horrek ez zuen une horretan oihartzunik izan. 1651n Esmirnatik egotzi zuten eta hainbat urtetan Grezian, Trazian, Palestinan eta Egipton ibili zen, noraezean. Baina 1665an... [+]


2024-04-10 | Gorka Menendez
Aste Santua eta ramadana

Urteak daramatzat nire herriko Elkarlaguntza Sarean militatzen. Bertako Etxebizitza Sindikatuan zenbait jatorritako jendea batzen gara eta komunitate musulman handia dago. Aurten, ramadana dela eta, Elkarlaguntza Sare osotik gau batean ramadan gosaria egin dugu. Eztabaida sortu... [+]


Eguneraketa berriak daude