ARGIA.eus

2020ko urriaren 25a

Tolosako, Getariako eta Zarauzko zaharren egoitzetan irteerak itxi egin ditu Aldundiak behin behinean

  • Maite Peña Gizarte Politikako diputatuak aditzera eman duenez, irteerak eten egingo dituzte Tolosako Iurreamendi eta Uzturre egoitzetan, eta baita Zarauzko Santa Ana egoitzan ere. Horrez gain, Uzturre eta Getariako zentroa aldi baterako itxiko ditu Gipuzkoako Foru Aldundiak.

Mikel Eizagirre
2020ko uztailaren 16a

Erabakia "egoitzetako talde arduradunekin koordinatua" izan dela ziurtatu du Maite Peñak. Gainera, diputatuaren esanetan, egoitzetako bisitak “prebentzio eta segurtasun neurri guztiak zorroztuz” egin beharko dira.

Diputatuak gogora ekarri duenez, Iurreamendi egoitzan pasa den astelehenetik aurrera irteerak galarazita daude, bertan bizi baitira orain Ordiziako San Jose egoitzako hainbat erabiltzaile eta birmoldaketa lanei ekin diete bertan. “Tolosako eta Zarauzko zentroetan etenaldi horiek denboran luzatuko dira, eta egoera epidemiologikoak ahalbidetzen duenean berrartuko dira”, argitu du Peñak.

Era berean, jakinarazi duenez, Goierriko eta Tolosako egoitzetan “ez dago COVID-19an positibo eman duen erabiltzailerik”, erabiltzaileei zein zentroetako langileei PCR probak egin ondoren jakin dutenez. Iragan asteartetik 940 PCR proba egin ditu Gipuzkoako Foru Aldundiak DYArekin batera. Probak honako zentroetan egin dira: Beasaingo Arangoitin, Lazkaoko Txindokin, Segurako San Juanen, Zumarragako Argixaon, Legazpiko Santikutzen, eta Tolosako Iurreamendin eta Uzturren. Maite Peñak gaineratu du datorren astetik aurrera prozedura bera jarraituko dela Zarauzko egoitzan. Horren helburua “birusaren eraginen aurrean ahulenak diren pertsonen ongizatea zaintzen jarraitzea” dela dio Peñak.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Covid-19 shockean adi  |  Gipuzkoa  |  Zaharren egoitzak

Covid-19 shockean adi kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude