Hori guztia aztertuko dute irailaren 23tik 26ra Stockholmen egingo den Nazioarteko Gailurrean. Etorkizunera begira hainbat eszenatoki ager daitezke eta honakoak dira horietako batzuk, El País-ek jaso bezala:

Tenperatura. Mende bukaerarako 1,5 eta 4 grado artean igoko da, eta hipotesiren batean 4,8raino ere bai.

Itsasoaren igoera. Kasurik onenean 0,26 metro igoko da eta txarrenean 0,97.

Uraren zikloa. Sasoi lehor eta hezeen arteko desberdintasunak handitu egingo dira, eta eremu lehorretan lehorteak handituko dira eta eta hezeetan euri jasa handiak ugaritu.

Airearen kalitatea. Berotzeak ozonoa suntsitzen du, baina metanoaren ugaritzeak irauli egingo du prozesu hori. Tropikoetan eta sakontasun handirik ez duten uretan tenperatura 2,5 gradu handitu liteke. Espezieek migratu egin beharko dute.

Ozeanoak. Landutako eredu guztien arabera, berotu egingo dira.

Izotza. Artikoan, otsailean izotz geruza %8 eta %34 artean mehetuko da (hainbat azterketa eredu daude) eta irailean %43 eta %94 artean. Antartikan ez dago horren argi zer gertatuko den. Glaziarrei dagokienez, %15 eta %85 artean gutxituko dira.