Txosten polizialaren arabera, gizonaren jarrera “arraroa” tarteko egin zioten taser pistolarekin tiro. Kaosenlared-ek jaso duenez, gizona lorategi batean sartu zela adierazi dute zenbait auzokidek, eta telebista antena baten metalezko barra ostu zuela. Poliziak gizonarekin topo egin zuenean, lapurtutako barra alde batera uzteko eskatu zion, eta hark “Allahu akbar” erantzun zuenean, gizona mendean hartzera jo zuten polizia-agenteek. Taser pistolaren erabilerak heriotza eragin dio aurrekaririk ez zuen gizonari.