“Talde terrorista” berri bateko kide izatea egotzi die fiskaltzak CDRetako espetxeratuei

  • "Equip de Resposta Tactica" (ERT) izeneko ustezko antolakundeko kide izateko "zantzuak" daudela dio epaileak. Abokatuek defentsen babesgabetasuna salatu dute. Espetxeratzeak salatzeko, mobilizazioak izan dira ostegun iluntzean Herrialde Katalanetan.


2019ko irailaren 27an - 11:48
Sabadellen milaka herritar mobilizatu ziren ostegun iluntzean.

Espetxean dira ostegunean Espainiako Auzitegi Nazionalean deklaratu zuten Kataluniako CDRetako zazpi kideak. Fiskaltzak "talde terroristako kide" izatea egotzi die. TV3ek ostegunean zabaldu zuen leherkariak edukitzearen akusazioa baztertu egin zuela fiskaltzak, baina ez da horrela izan: "hondamena sortzeko konspiratzea eta lehergaiak izatea" ere egotzi die.

Auzitegi Nazionaleko Manuel García Castellón epaileak zazpiak espetxeratu ditu, behin-behinean eta fidantzarik gabe, aske uztea arriskutsua dela iritzita. CDRetako kideak “Equip de Resposta Tactica” (ERT) izeneko antolakundeko kideak izatearen “zantzuak” daudela dio Garcíak. Epailearen arabera, ERT "egitura hierarkizatua" da, "Kataluniako Errepublika ezarri nahi zuena edozein bidez baliatuta, biolentzia barne". Fiskaltzak ERTk "izaera terrorista" duela, eta bere helburua "ordena konstituzionala iraultzea eta bake soziala larriki haustea" dela esan du.

Babesgabetasuna

Alerta Solidàriako abokatuek informazio eza salatu dute, eta horrek defentsa babesgabe uzten duela. Ebazpenaren alde dispositiboa soilik helarazi diete, eta ondorioz ez dituzte akusatuei delituak egozteko erabiltzen dituzten frogak eta argudioak ezagutzen, helegitearen aukera ezerezten duena. "Babesgabe gaude. Espainiako Estatuak, bederatzi gatibu izan ordez, 16 ditu orain", adierazi du Alerta Solidàriako bozeramaile Xavier Pellicer-ek.

Herritarrak, “elkarren ondoan”

Ostegun iluntzean mobilizazioak izan ziren Herrialde Katalanetan. Espetxeratuak Sabadellen eta inguruko herrietan bizi ziren, eta Sabadellen milaka herritar elkartu ziren espetxeratuen askatasuna eskatzeko.

Ostegun arratsaldean ere, agerraldia egin zuten espetxeratuen senidek eta lagunek. Espetxeratuak ez dituztela "bakarrik utziko" ziurtatu eta herritarren "indarra" aldarrikatu zuten: "Kultura herritarra da urriaren 1a eraiki zuena, elkarren ondoan eta autoantolakuntzan mantentzen gaituena".

 


Kanal honetatik interesatuko zaizu: Katalunia
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


Mugikorretan kontrol parentala derrigortzeko legea “beharrezko baina gutxiegizko” neurritzat jo du Som Connexió-k

Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.


2024-05-29 | Karmelo Landa
Setioa

Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.

Benetan aztertzeko modukoa da gertatu dena: Espainiako botere... [+]


ERC: azaroa arteko gurutze-bidea

ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.


Eguneraketa berriak daude