Tabakalerako Ubik liburutegiko langileek greba mugagabea egingo dute abenduaren 22tik aurrera
Sedena enpresarekin negoziazioetan aurrera egin ez dutenez, Tabakalerako Ubik sorkuntza-liburutegiko bitartekariek greba mugagabea egingo dute abenduaren 22tik aurrera, asteartean jakinarazi dutenez.
ELA sindikatuaren webgunean irakurtzen denez, abenduaren 14an ere egun osoko greba egingo dute langileek.
Abenduko lehen astean bildu dira zerbitzuaren kudeaketa daraman Sedena enpresarekin, baina “negoziaketan inongo aurrerapausorik egon ez denez”, greba egitea erabaki dute.
“Bitartekarien helburu bakarra egun bizi duten prekarietate egoerari bukaera ematea da, eta hasieratik esan zuten bezala, horretarako amaiera arte iristeko prest daude”, ELAk argitaratu duenez.
Sindikatuak dei egin die herritarrei eta Ubik liburutegiko erabiltzaileei, bitartekarien mobilizazioetan parte har dezaten, langileon baldintzak hobetze aldera.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.