ARGIA.eus

2022ko uztailaren 05a

Suteak egonkortuta, larrialdi alerta maila jaitsi dute Nafarroan

  • Egoerak hobera egin du eta suteak egonkortu dira, gainera makinariarekin uzta biltzeko debekua bertan behera geratu da baina herri batzuk oraindik hutsik daude.

Artazu herrian sutea itzali nahian, larrialdietarako unitateek hartutako irudi batean.
2022ko ekainaren 22a

Nafarroan larrialdi alerta mailaz jaistea erabaki dutela iragarri zuen astearte arratsaldean, ekainaren 21ean, Javier Remirez Nafarroako Gobernuko Lehendakaritza, Berdintasun, Funtzio Publiko eta Barneko kontseilariak. Egoerak hobera egin du eta horregatik erabaki du Nafarroako Gobernuak makinariarekin uzta biltzeko debekua bertan behera uztea. Horrez gain honako herriek hustuta jarraitzen dute: Amatriain, Makirriain, Santsoain eta Olleta. Guztira 85-90 bizilagun inguru dira haien herrietatik aterarazi dituztenak.

Nafarroako Babes Zibil eta Larrialdietako Zerbitzuaren Twitterreko kontuak egoeraren nondik norakoen berriak txiokatzen ditu. Ekainaren 21 goizean txiokatu dute behin-behineko kalkuluen arabera 10.000 hektareatan izan dutela eragina suteek.

Kontseilariak adierazi duenez, ekainak 20ean zen amaitzekoa makinaria uzta biltzeko debekua, baina debekua ostiralera arte luzatu dute. Hala ere azpimarratu du egoerak hobera egiten jarraituz gero, debekua lehenago amaitu daitekeela. Eta hala izan da, ekainaren 22 goizean jakin da debekua kendu egin dutela.

Euria laguntzen ari da

Euria egin du Nafarroan eta horrek piztuak zeuden suteak egonkortzen lagundu die larrialdi zerbitzuei, Nafarroako Babes Zibil eta Larrialdietako Zerbitzuaren Twitterreko kontuak adierazi duenez.

Remirezek hedabideei azaldu dienez, egoerak hobera egin du baina hala ere “oraintxe bertan kezkatzen gaituena Nafarroa ekialdeko frontea da, San Martin Unx eta Galipentzu ingurua “. Ekainaren 22ko goizean ordea, sute guztiak egonkortuak daudela adierazi du txio batez 112 SOS Nafarroak (Nafarroako Babes Zibil eta Larrialdietako Zerbitzua).

Kontuz ibili behar da oraindik

112 SOS Nafarroak herritarrei eskatu die suteak egondako inguruetara ez gerturatzeko oraindik, izan ere, arriskutsua izan daiteke. Azpimarratu du “ezegonkotasun handia” dagoela lurzoruetan eta zuhaitzetan, eta gaineratu du baso-bideak kolapsatu daitezkeela suhiltzaile eta beste baliabideei bidea oztopatuz.

Kanal hauetan artxibatua: Suteak  |  Nafarroa  |  Nafarroako Gobernua

Suteak kanaletik interesatuko zaizu...
Errigorak diru-bilketa abiatu du, Nafarroako suteen kalteei aurre egiteko

Euskal herritarrei ekarpena egiteko eskatu die. Errigorak beren konpromisoa erakusteko 10.000 euro jarrita abiatu dute kanpaina.


Nafarroan egondako sute batzuk nahita piztuak izan zirela ziurtatu du Nafarroako Gobernuak

Nafarroako Gobernuak suteen kudeaketa defendatu du eta Javier Remirez lehendakariordeak bere karguan jarraituko duela ziurtatu du.


2022-06-28 | ARGIA
Laborantzako 2.257 hektarea lur kaltetu dituzte suteek Nafarroan

Suak kalteturiko laborantza lur gehienak zerealari eskainitako lurrak dira. Erretako baso eremua berriz, 12.000 hektareatik gorakoa dela aurreikusten da.


Nafarroako hainbat zona hondamendi-eremu izendatuko ditu Espainiako Gobernuak

Pedro Sánchez Espainiako Gobernuko presidenteak iragarri du akordio bat egingo dela suteek kaltetutako lurraldeak hondamendi-eremu izendatzeko.


Gutxienez Nafarroako suteetako bat norbaitek piztua izan dela susmatzen dute

Nafarroako Gobernuak tramiteak abiatu ditu Espainiako estatuak hondamendi-eremu aitortu dezan. Kaltetutako eremuetako udalerrietako alkateekin batuko da Maria Chivite, egoera egonkortzen denean.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude