Sute handia piztu da asteazken goiz honetan Angeluko Careco Prieur auto bereiztegian. Plastiko errearen usain txarrez eta ke beltz lodiz estali da ingurua. Istripuaren gunean da Jean-Rene Etxegarai Euskal Hirigune Elkargoko presidentea eta kutsaduragatik kezkaturik agertu da, ur edangarria bideratzen duen "Usine de la Nive" enpresa hortik 200 metrotara delako.

Orotara hiru langile ospitaleratu dituzte, bi intoxikazioagatik eta beste bat "erredura arinengatik". Sud Ouest komunikabidean irakurri daitekeenez, auto batetik abiatu da sutea. Suhiltzaileak bertan daude.