Statkraft eta Azpeitiko Udalaren "promesa faltsuak" salatuko dituzte

  • 6/2022 salbuespenezko dekretua baliatuta, Azpeitiko Udalak eta Statkraft enpresak Piaspe proiektu eolikoari ateak irekiko dizkiotela salatu du Sañu Bizirik plataformak.


2023ko uztailaren 28an - 07:35
Azken eguneraketa: 10:06

Azpeitiko, Errezilgo eta Zestoako lurretan Piaspe zentral eolikoaren proiektua ingurumen-inpaktua ebaluatzeko prozeduratik salbuesteko eta baimenak azkartzeko eskaera egin du Norvegiako enpresak, Sañu Bizirik plataformak zabaldu duenez. Horretarako Espainiako 6/2022 Errege dekretua baliatu dutela azaldu dute. Iazko urrian Statkraft enpresak eta Azpeitiko Udalak egin zituzten promesak alde batera utzi dituztela azpimarratu dute.

"Eskaera horri bide emateak, ingurumenaren babeserako berme guztiak bazter uztea dakar", azaldu du plataformak. 6/2022 Errege dekretuak eskala handiko energia berriztagarrien zentralen proiektuen prozedura administratiboak "arintzeko" neurriak biltzen ditu, tartean, Sañu Bizirikek salatu duenez, proiektuak "ingurumen ebaluaziotik salbuesteko".

Hilaren 22an egindako agerraldian azpimarratu zutenez, "kezkagarria da zer-nolako baldintzatan ari den planteatzen energia trantsizioa eta berriztagarrien hedapena Euskal Autonomia Erkidegoan. Zer-nolako erraztasunak ari zaizkien eskaintzen enpresa pribatuei beren negozioak egin ditzaten; lurralde-plangintzetatik hasita. Zer-nolako jarrera ari diren izaten guzti honen aurrean alderdi politiko guztiak –EH Bildu eta EAJ barne–. Eta zer-nolako gutxiespena ari diren pairatzen herri honetan natura ondarea, landa eremua, eta bizi dugun krisi ekosozialaren aurrean, lurraldearekiko eta jendearekiko aterabide posible justuagoak eta arduratsuagoak aldarrikatzen ari diren gizarte mugimenduak eta norbanakoak".

Dei egin die herritarrei "enpresen neurrira" egindako legedia arbuiatu, eta larrialdi energetikoaren dekretuari ezezkoa esatera. Horretarako, elkarretaratzea egingo dute abuztuaren 1ean, goizeko 10:30ean, Loiolako Basilikan.

 


Kanal honetatik interesatuko zaizu: Energia berriztagarriak
2024-05-23 | Elise Dilet | Enbata
Energia herritarrak

Gaur egun, etengailu bat sakatzea keinu hutsala da. Gehiengoak ez daki energia-ekoizpenaren gibelean zer dagoen, energia-ekoizpen orok eragina baduelarik. Erregai fosiletan eta nuklearrean oinarritutako energia ereduaren hauskortasunari buru egiteko, energia herritarren... [+]


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]


Amazonek Nafarroan "eskala handiko" bi zentral fotovoltaiko eraiki nahi dituela dio

Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]


2024-05-09
Siemens Gamesak "doikuntzak" iragarri ditu eta kezka areagotu da langileen artean

Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.


Eguneraketa berriak daude