Bartzelonako udal hauteskundeetan independentistak batzeko deia egin du Grauperak

  • Astearte arratsaldez egin du bere proposamena Jordi Graupera filosofo eta kazetariak Bartzelonako Victoria Antzokian, 3.000 pertsonaren aurrean. Arrakasta handia izan du aurkezpenak eta bigarren saio bat egin dute kanpoan ilara luzean zain zen jendearekin.


2018ko martxoaren 21an - 11:00
Jordi Graupera bere proposamena aurkezten Victoria Antzokian.

Grauperaren ustez Bartzelona independentismoaren ikur bihurtu behar da 2019ko ekainaren 9an egingo diren udal hauteskundeetan, baina irabazteko soberanismoak ezinbestean aurkeztu behar du elkarrekin eta horretarako hauteskunde primarioak proposatzen ditu. Bera hautagaietako bat litzateke. Bere esanetan, hori da Ada Colauri irabazteko modu bakarra.

Gero eta gehiago entzuten da, halaber, C’s-eko Ines Arrimadas ere izan daitekeela hautagai eta honek ere irabazteko aukera handiak izan ditzake, batez ere abenduaren 21eko hauteskundeetan bezala, unionismo espainiarra bere inguruan biltzea lortzen badu. Inkesta batzuen arabera, alabaina, ERC izango litzateke talde bozkatuena gaur gaurkoz.

Grauperaren ustez, “katalanismoaren kultura iritsi da bere amaierara, berau bukatu zen urriaren 1aren bezperan, erreferendumarekin bat; ordutik aurrera katalanistak zirenak katalanak dira eta kito”. Graupera AEBetako unibertsitate munduaren eta Kataluniaren artean mugitzen da eta oso kritiko agertu da alderdi independentista nagusiekin, urriaren 1eko erreferendumaz egin duten kudeaketagatik. Bere ustez, hondamendiaren gorena urriaren 27an errepublika aldarrikatzea eta aurrera ateratzeko saiorik ez egitea izan zen. El Nacional hedabideko La Trituradora izeneko bere analisi gunean oso gertutik jarraitzen du Kataluniako egoera politikoa. Oraintsu bi urte bete dituen hedabide honen zuzendari José Antich-ek –La Vanguardia-ko zuzendari ohia– primarioen proposamena oso kontuan hartu beharko litzatekeela dio asteazken honetako bere editorialean.

Graupera asko dabil sare sozialetan eta, esaterako, 129.000 jarraitzaile ditu Twitterren eta ia 70.000 txio idatzi ditu. Hemen ikus daiteke bere atzoko konferentzia. Jakinarazi duenez, PDCAT eta ERCko Bartzelonako ordezkariei aurkeztu die proposamena eta baita Carles Puigdemonti berari ere, Bruselan bertan.


Kanal honetatik interesatuko zaizu: Katalunia
Amnistia Legearen proposamena onartu du Kongresuak eta haren bidean Kataluniako hauteskundeak sartu dira

Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.


hauteskunde aurrerapena Katalunian
Juntsek dio Puigdemont izango dela bere hautagaia maiatzaren 12ko hauteskundeetan

Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]


Azken 20 urteetan etxebizitzetako ur grisak birziklatzen ditu Kataluniako herri batek

Ura aurrezteko ordenantzak onartu nahi dituzten udal guztiak, tartean Bartzelona, Sant Cugat del Vallèsera joaten dira. Udalerri horrek ura aurrezteko bere lehen araudia onartu zuen 2002an, eta 2008an eta 2018an eguneratu zuen, murriztaileagoa izan zedin.


Kopa eta kulero menstrualak doan Katalunian

Kopa baten, kulero menstrual baten edo konpresa berrerabilgarri pare baten artean aukeratu ahal izango da.


Puigdemont terrorismoagatik ikertzeko agindu du Auzitegi Gorenak: auziaren klabeak

Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]


Eguneraketa berriak daude