Sindikatuen ustez “prebentzio lanen ordez ekoizpena lehenestea” da lan istripuen arrazoia
Ur bonba baten eztandaren ondorioz hil da urteko 24. behargina Abantoko Emica Bombas enpresan. Elkarretaratzea egin dute, ezbeharra salatzeko.
Abantoko Emica Bombas enpresako langilearen heriotzarekin, 24 dira dagoeneko aurten Euskal Herrian lan istripuz hildako beharginak. Kopuru horren arrazoia “prebentzio lanen ordez ekoizpena lehenestea” dela iradoki du ELA sindikatuak.
LABen iritziz, urtearen hasieratik hainbeste istripu jazo izana ez da “izurrite bat edo jainkoen zigor bat”, praktika txarren, prebentzio faltaren, presen, lan-kargen eta malgutasunaren ondorioa baino. Hala ere, zehaztu dute iazko urtarriletik ekainera bitartean hiru hildako gehiago (27) izan zirela
Emica Bombaseko kasuan ere ezbeharraren erantzule nagusia “lan baldintzen egoera kaskarra” dela salatu dute ostegun goizean elkarretaratzera bildutakoek. Fabrikaren atarian egin dute protesta ELA, LAB, ESK, EHNE, Steilas eta Hiru sindikatuetako ordezkariak. CCOOk nahiago izan du mobilizazioa bere kasa egin, eta Bilboko Itsas Museoaren atarian elkartuko dira.
ELAk Lan Ikuskaritzari eskatu dio “enpresaren erantzukizunak” ahalik azkarren argitu ditzala, eta UGT eta CCOOk “bizkortasunez” aritzeko exijitu diote.
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.
Foruzaingoaren esanetan, ezbeharra gertatu den lekuan bertan hil da 50 urteko langilea. LAB sindikatuaren zenbaketaren arabera, urte honetan dagoeneko 21 langile hil dira beharrean ari zirela.
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.