Sindikatuen grebarako ultimatumak lan-hitzarmena blindatzera derrigortu du Gipuzkoako eraikuntzako patronala

  • Sektoreko 17.000 langilek 2009tik honako eros-ahalmena berreskuratu ahal izango dute eta lan-hitzarmenak ultraaktibitate mugagabea izango du. Betetzen ez den kasuetarako jarraipen batzordea eratuko dute langileei zuzenean ordaintzeko.

Urko Apaolaza Avila @urkoapaolaza
2018ko maiatzaren 30a
Eraikuntzako langile bat Donostiako Anoetako estadioaren eraberritze lanetan (arg: @esplotaziorikEz)

Azkenaurreko bileran Ascongi Gipuzkoako eraikuntzako patronala etxeko lanekin itzuli zen bulegora. Sindikatuek ez zuten, ez borondate ez urratsik ikusi enpresarien partetik sektoreko langileen egoera kaskarra hobetzeko, eta greba deialdia berehalakoa izan zitekeen.

Horrek, besteak beste ekarriko zuen lurraldeko obra zibil nagusiak gelditzea, erraustegia eta Anoetako estadioko eraberritzea barne; kolpe gogor bat ehundaka milioi euroko negozioa eskuetan dutenentzat.

Seguruenik sindikatuen garaipen handiena lan-hitzarmena betetzeko bermeetan datza, azpikontratazioak erasandako eraikuntzako sektorean enpresek hitzarmena ez ezartzea oso ohikoa izan baita orain arte

Ultimatumaren aurrean, Ascongik onartu behar izan ditu sindikatuen eskakizun nagusiak: langileek 2009tik ona galdutako eros-ahalmena berreskuratzea, eta lan-hitzarmena blindatzeko bermeak ezartzea.

ELAk eta UGTrekin adostutako aurreakordioak –LABek oraindik ez du sinatu, juridikoki aztertu behar duelako– 500 euroko soldata igoera lineala dakar, eta gainera, KPI-az gain %0,4 igoko zaio langile bakoitzari soldata urtero lan-hitzarmena indarrean den bitartean, 2021era arte.

Azpikontratazioaren ajeei aurre egiten

Lan-hitzarmena blindatuta geratu da, alde batetik hitzarmenaren baldintzak aldatzeko langileekin akordioa beharrezkoa izango delako, eta bestetik 2021etik aurrera ere baldintza horiek mantenduko direlako; ultraaktibitate mugagabea izango du, alegia.

Hain justu, seguruenik sindikatuen garaipen handiena lan-hitzarmena betetzeko bermeetan datza. Azpikontratazioak erasandako eraikuntzako sektorean enpresek hitzarmena ez ezartzea ohikoa da, eta hala salatu izan du sarritan arlo honetan Gipuzkoan ordezkaritzaren gehiengoa duen ELAk.

Hori saihesteko figura berritzaile bat adostu dute: “Lan-hitzarmena betetzen ez den kasuetarako adostu da jarraipen batzorde bat eratzea; enpresa nagusiak, promotoreak edo herri-administrazioak zuzenean ordainduko die eragindako langileei. Tresna honekin aurrerapauso handia egin dugu lan-hitzarmena oso-osorik betetze aldera” azaldu dute sindikatu abertzaleko kideek prentsaurrean.

LAB, baina, kexu da, hitzarmena betetzen ez duten enpresentzat kostu ekonomikorik ez baitu aurreikusten sinaturikoak bere esanetan.

Negoziazioetan aktore nagusietakoa izan den ELAren aburuz, aurreakordioa posible izan da enpresetan izandako “borroka luzearen ondorioz”. Sindikatuak urtebetean ehundik gora biltzar egin ditu langileekin hitzarmenaren inguruan.

ELAko Gipuzkoako eraikuntza arduradunak, aurreakordioaren berri ematen prentsaren aurrean (arg: ELA)

Adegik lizitazioekin ordena jartzeko eskatu du

Adegik –bere barruan dagoen Ascongi adarraren bidez– gaztelaniaz soilik dagoen prentsa-oharrean nabarmendu ditu enpresek sindikatuekin izandako “ulermena” eta “ardura”. Eta aurreakordioak 17.000 langileri eragiten diela gogorarazi du.

Nolanahi ere, eraikuntzako patronalak administrazio publikoaren gain jarri du hitzarmena errespetatzeko erantzukizunaren zati handi bat. Bere esanetan, beharrezkoa da obra publikoko lizitazioen prezioak errebisatzea, hala nola “kontratazio publikoetan egoten diren beherakada etengabe eta larriei estimulua kentzea”.

Gipuzkoan, batez beste hasierako prezioaren %20 merkeago esleitzen dira obrak Ascongiren esanetan. Administrazio pleguetan eta obra kontratu pribatuetan lan-hitzarmena betetzea “funtsezko edukia” izan beharko litzatekeela dio orain eraikuntzako enpresarien elkarteak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Prekarietatea  |  ELA  |  LAB  |  UGT  |  ADEGI  |  Eraikuntza

Prekarietatea kanaletik interesatuko zaizu...
2018-09-30 | I˝aki Murua
Zuri, behin-behineko kontratupeko horri!

Hitzarmenak kontratu bilakatu ordez kontrakotu ditugun garai hauetan, berrogeitaka urte lan kontratu amaigabean arituta, bizitzak ziurgabetasun osoan ezarri nauenean, urtero lan kontratua luzatuko ala etengo zaien jakin gabe eta etorkizuna etorkin duten arren, daukaten onena ematen ari diren langile horiei, begirunez eta goxotik.  

Oharra:
1. Goitik behera eta ezkerretik eskuinera irakurtzeko antolatuta daude bertsoak, gure gizarteko politikaren ildo eta noranzko berari jarraituz.
2... [+]


2018-09-21 | ARGIA
Bi egun, beste bi langile hilda: kamioi gidaria Galdakaon eta basomutila Gamarten

Uda honetan Euskal Herrian hildako langileen zerrenda luzeari beste bi gehitu zaizkio aste honetan. Gamarten, Donibane-Garazi ondoan, basomutilari adarra jauzi zitzaion asteazkenean. Ostegun goizean berriz, kamioi gidari bati bihotzekoak eman dio lanean ari zela autobidean, Galdakao parean.


2018-09-19 | Ahotsa.info
Behin-behineko irakasleen prekarietatea salatu dute sindikatuek Nafarroako Hezkuntza Departamenduaren aurrean

Joan den astean N-121A errepidean istripuz hildako irakaslearen heriotza salatu dute sindikatuek, Nafarroako Hezkuntza Departamentuaren egoitzaren aurrean. Ostegunean gertatu zen ezbeharra, Ataungo 26 urteko emakume bat hil zen auto istripuz, Beran, lanera zihoala.


Lehman Brothers
Hamar urte krisian... eta kasino globalaren pitzadurak hor jarraitzen du

2008ko irailaren 15ean Lehman Brothersek kiebra onartu zuenean paradigma eta uste asko ere hondoratu ziren berarekin. Atzeraldi Handia-ren hasiera izan zen, nahiz eta finantza kapitalismoa aspaldi zebilen sistema irrazional baten mamua begiztatzen etxe-orratz distiratsuetan islatuta. Agintariek, egoera bideratu beharrean okertu egin dute: jendea ari da krisia pagatzen eta bankuek jarraitzen dute erruleta arriskutsuaren jokoan.


2018-09-14 | ARGIA
Langile bat hil da Ondarroan, eraikuntza lanetan zebilela

Ostiral goizean gertatu da ezbeharra, Ondarroako (Bizkaia) Artabide kaleko eraikin batean.


Autoan lanera zihoan irakaslearen heriotzak, agerian utzi du interinitatearen "gaitz estrukturala"

Doneztebeko Mendaur institutura lanera zihoala, ostegun goizean autoan ezbeharra izan eta hil da 26 urteko emakume ataundarra N-121-A errepidean, Bera parean. Istripuan beste ibilgailu bateko lau pertsona arin zauritu dira.


2018-09-09 | Juan Mari Arregi
Lan prekarietatea, hiltzailea

Ez da normala uda betean, pasa den abuztuan, Hego Euskal Herrian lan “istripuz” zazpi pertsona hiltzea: arrantzale bat, bi kamioilari, eraikuntzako langile bat, beste bat traktoreak harrapatuta, kargarako plataforma batek zapaldutako Michelingo langilea eta Correos-ekoa. Laneko errealitate hiltzaileak hor jarraitzen du.


2018-08-30 | ARGIA
Donostiako autobus turistikoa: prekarietatera bidaia

Donostiako Udalak azpikontrataturiko autobus turistikoaren zerbitzuko langileek grebara joko dute euren lan baldintzak hobetu ezean.


2018-08-30 | Nahia Ibarzabal
Lanuztea Michelinen, langile baten heriotza salatzeko

Asteartean hil zen langilearen heriotza salatzeko, enpresa batzordeak 24 orduko lanuztea deitu du ostegun goizaldeko seietatik ostiral goizaldeko seietara.


Azkenak
EGILEA
Eguneraketa berriak daude