Sexu bereko pertsonen arteko ezkontza onartu du Greziak
Berdinen arteko ezkontza legeztatzen duen lehenengo herrialde kristau ortodoxoa da.
Greziako parlamentuak sexu bereko pertsonen arteko ezkontza eta adopzioa legeztatu ditu. Urtarrilaren 15ean bozkatu zuten, eta 176 bozka jaso zituzten alde, 76 kontra eta bi abstentzio. Eliza Ortodoxoaren presioa jasan du parlamentuak. Hala ere, sexu bereko pertsonen arteko ezkontza legeztatzen duen lehenengo herrialde kristau ortodoxoa da, eta Europako 21. herrialdea.
2015. urtetik sexu bereko bikoteen arteko elkarketa zibila onartu zuten arren, pertsona sexu genero disidenteek ez zituzten heterosexualen eskubide berak. Esate baterako, elkarketa zibilak soilik guraso biologikoari ematen zion seme-alaben gaineko babes juridikoa. Lege berriari esker, haurraren legezko tutore izanen dira biak.
Horregatik, Kyriakos Mitsotakis lehen ministroak esan du legeak familia askok bizi dituzten inkongruentzia legalak saihestuko dituela. Beste onura batzuk ere ekarriko ditu; esate baterako, “lasaitasun handiagoa” eta haurren zaintza galtzeko beldurra “gutxitzea”.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]