Serbiak atzera bota du Belgradeko erraustegi proiektua, aurkako mugimenduari arrazoi emanda

  • Ne Davimo Beograd mugimenduak aurkeztutako helegiteei arrazoi emanda, Serbiako gobernuak baliogabetu egin du Ingurumen ministerioak emandako ingurumen baimena Belgrado (1.700.000 biztanle) hiriburuko Vinca auzoan eraiki nahi zuten erraustegi berriarentzat. Prozedura osoa hasieratik errepikatzera behartu du.

Zero Zabor @zero_zabor
2019ko otsailaren 05a
Ne Davimo Beograd mugimenduaren mobilizazioa Belgraden. (Argazkia: Left East)

[Iturria: Balkan Green Energy] Ne Davimo Beograd (Ez utzi hondoratzen Beograd), Bankwatch eta A11 Eskubide Ekonomiko eta Sozialen Aldeko Ekimenak berrikitan ohartarazi zieten EBRD Europako Berreraikitze eta Garapenerako Bankuari, EIB Europako Inbertsio Bankuari eta Munduko Bankuaren taldekoa den IFCri Vincako erraste planta eraikitzeko prozesu legalean akats larriak, gaizki aurkeztutako datuak eta hutsuneak zeudela.

Erraustegia Public-Private Partnership (publiko-pribatu elkarlana) ereduan eraiki nahian 2017an sinatutako akordioa aurrera ateratzeko, 330 milioi euroko finantzazio eske Beo Cista Energija [Belgrado Garbia Energia] konpainiak aurkeztutako dokumentazioari, kontrako elkarte haiek 92 orri bete iradokizun aurkeztu zizkioten. Kontratuak are finantza-koste handiagoak zekartzan berekin, herritarren bizkar joango zirenak.

“Kontratuak –dio Ne Davimo Beograden prentsa-agiriak- Belgradeko udalarentzako aurreikusten ditu urtean 38 milioi euro baino gehiagoko kosteak, 30 urtetan gutxienez 1.140 euro izango direnak. Pagakizunoi aurre egiteko, Belgradeko udalak  iragarri berri du hondakinen tratamenduagatiko tasa berri bat”.

Europako Erdi eta Ekialdean ingurumenaren aldeko mugimendu sozialen sare handienetakoa den CEE Bankwatch Network-ek [EBeko Banka Behatoki Sareak] bere webgunean dioenez, erraustegi proiektuaren arazo nagusietako bat da Belgradek sortzen dituen hondakinen %68 prebenitu, birziklatu edo konpostatu daitekeela, baina proiektuak horiek denak erretzea proposatzen duela.

[Azpian Ne Davimo Beograd elkarteko kide bat telebistan azaltzen erraustegiaren afera, gobernuari iritzia alda arazteko kanpainan. Testuak dio: "ARAZOA: Belgradeko airearen kalitatea oso txarra da eta hondakinez gainezka gaude. Gobernuaren soluzioa: Hondakinak murriztu, gehiago birziklatu eta horrekin lanpostu berriak sortzeko ordez, horren ordez DIRUA IRABAZI, zeren eta urtero 38 MILIOI EURO pagatu beharko baitira hondakinak erraustu eta airea are gehiago kutsatzeko!"]

Horregatik, baldin eta hiriak sortzen duen hondakin kopurua oso azkar handitzen ez bada, Beo Cista Energija sozio pribatuak behar duen hondakin kopurura kontratuak derrigortzen duen moduan iristeko, beharrezkoa izango da legea aldatzea atzerriko hondakinak inportatzeko edo debekatzea hondakin bilketa ez-formala, zeinak ematen baitie bizimodua 12.000 herritarri [txatarreroak, kartoi biltzaileak].

Bestalde, baldin eta Serbiako hiriburuak erre behar badu bere hondakinen %66, herrialdeak ezingo du bete Europar Batasunak 2020rako ezarri duen %50 birziklatzeko helburua.

Bankwatch sareak ohartarazi du, gainera, herritarrek hondakinen kudeagatik tarifa bat pagatu beharko dutela, Vincako erraustegiak sortutako argindarraren erabilpenagatik beste tarifa bat eta baita kalte-ordain bat ere konpainiari baldin eta hiriak ez baditu osatzen urtean erraustegiak kiskali ditzakeen 340.000 tonak.

Beo Cista Energija konpainiaren %50 Frantziako Suez multinazionalarena da eta beste %50 Japoniako Itochuren adarra den I-Environmnet Investmentsena. Horiekin Belgradeko udalak 2017ko irailean sinatu zuen 25 urterako lotuko dituen hondakinen kudeaketarako kontratua, urtean 340.000 tona zabor errez 80 MW bero eta argindar berde sortzeko, aldi berean itxi eta lehengoratzeko Europako zabortegirik handienetako bat.

Erraustegi proiektuaren aurkako mobilizazioa 2018ko urtarrilean, Belgradeko zabortegiaren sarreran. (Argazkia: Mjedisi)

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errausketa  |  Serbia  |  Ekologismoa

Errausketa kanaletik interesatuko zaizu...
2019-02-14 | Zero Zabor
Erraustegiek 2020etik aurrera ez dute Europako kohesio funtsetik laguntzarik jasoko

Europako Legebiltzarrean Eskualdeen Garapenerako batzordeak bozkatu du moztea Europar Batasunaren diru-laguntzak hondakinentzako zabortegi eta erraustegiei 2020tik aurrera. Parlamentariek argudiatu dutenez, honek baimenduko du diru gehiago erabili ahal izatea hondakinen prebentzio, berrerabiltze eta birziklatzeari laguntzeko, Europak 2035rako ekonomia zirkularra lortzeko ipinitako helburuak lortzeari begira.


2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


2019-02-07 | Usurbilgo Noaua
OEITeko medikuen agiri berria: "Erraustegi ondoan bizitzeagatik dioxina-maila altuak odolean"

Osasuna eta Errausketa Ikerketa Taldea (OEIT), hondakinen errausketak osasunean duen eraginaz diharduten mundu mailako ikerketa ezberdinen datu kezkagarriak plazaratzen dabil astero, sare sozialen bidez. Azken hamabostaldian beste bi ikerketako datuak plazaratu ditu.


2019-02-01 | Zero Zabor
Gloucesterreko erraustegia: udala eta Urbaser auzitara eraman dituzte herritarrek, tartean Jeremy Ironsek

Gloucesterreko udalak eta Urbaser multinazionalak epaitegian erantzun beharko diete hainbat herritarrek CommunityR4C elkartearen ekimenez auzitara eraman dituztelako, Javelin Park erraustegiaren kontratua osorik erakutsitakoan hasieran agintariek aitortutako 500 milioi libretako kostoak benetan 633 milioi zirela jakin denean.


2019-01-17 | Zero Zabor
Portland Valderribasek ezingo du hondakinik erre Sevillan, Auzitegi Gorenak baimena baliogabetuta

Portland Valderribas zementu ekoizleari Andaluziako Juntak (PSOEren agintepean) baimena emana zion Alcala de Guadairako Los Alcores porlan fabrikan hondakinak erretzeko. Baimena lehenik Andaluziako Auzitegi Nagusiak baliogabetuta, Junta tematu zen helegitea jarriz eta orain Madrilgo Auzitegi Gorenak baliogabetu du behin betikoz baimen hori.


2019-01-15 | Zero Zabor
Gloucesterreko erraustegiaren 'zuloaren' eskandalua Londresko parlamenturaino iritsi da

David Drew Gloucester konderriko diputatu laboristak Londresko legebiltzarraren bileran eskatu du hango erraustegiaren diru-kontuetan azaldu den zuloaz eztabaida publikoa abiatu dezatela parlamentariek: "Erraustegiarena proiektua katastrofikoa da, datozen 25 urteetarako sistema bati kateatu gaitu eta honek ez dio batere lagunduko hondakinen murrizte eta birziklatzeari". 


2019-01-14 | Zero Zabor
Kornuallesko erraustegi berriak zazpi hilabete daramatza argindarrik sortu barik

Haserre dago jendea Kornuallesen (Britainia Handia). Urte askotako eztabaida eta oposizioa gainditzeko, St. Dennis erraustegia sustatzen zuten agintari eta enpresak argudio garrantzitsutzat aurkeztu zuen zaborrak kiskaliz argindarra sortuko zuela. Baina hilabeteak aurrera doaz, zazpi dagoenekoz, eta labeetako beroari argindarrik ateratzerik ez dute lortzen.


2019-01-08 | Zero Zabor
Eta Gloucesterreko erraustegiaren kontratua erakutsi dutenean... 100 milioi libra garestiago azaldu da

Iazko ekainean 15 eguneko gose greba egin zuen gazte batek Gloucesterren (Erresuma Batua) agintariei eskatuz bertan eraikitzen ari diren Javelin Park erraustegiaren kontratua osorik erakuts zezatela. Eguberriotan plazaratu dutenean, ezustekoa zeraman barruan: orain arte aitortua baino %30 gehiago kostako zaiela herritarrei. Protestak ugaritu dira eta politikari batzuek auditoria independentea eskatzen hasi.


2018-12-17 | Zero Zabor
Harlingeneko erraustegiaren sarrera blokeatu dute herritarrek, itxiera eskatuz

AfvalovenNee (Erraustegirik Ez) mugimenduak deituta, ziento bat herritar elkartu ziren ostiralean, abenduak 14, Harlingen herriko Omrin erraustegiaren atarian, haren itxiera eskatzeko. Aurretik, erraustegiaren jabea den Frisiako herrien elkargoak batzarra izan zuen eta bertan inguruko herrietako alkateek beren kezka azaldu zuten erraustegiaren kudeatzaileek informazioa ezkutatzen dietelako. Astebete darama geldirik Holandakoetan berriena den errauste plantak, hamaikagarren arazo teknikoa... [+]


Eguneraketa berriak daude