Argentinako Senatuak abortatzeko eskubideari ezetz esan dio

  • Abortatzearen aldeko lege proposamena bozkatu dute Argentinako Senatuan. 38 senatari aurka eta 31 alde agertu dira eta beraz, 1921eko legeak indarrean jarraituko du.

Nahia Ibarzabal @NahiaIbarzabal
2018ko abuztuaren 09a
Ekintzaile feministak Senatuaren kanpoaldean

Asteazkenean egin dute bozketa Senatuan eta 38 boto abortatzeko eskubidearen aurkakoak izan dira eta 31 aldekoak. Hamazazpi orduko eztabaidaren ostean egin dute bozketa eta emaitzak ikusita, Senatuak atzera bota du abortatzearen aldeko legea. Beraz, 1921eko legeak jarraituko du indarrean, bortxaketa kasuetan edo amaren bizitza arriskuan dagoenean abortatzeko aukera eskaintzen duena, besteak beste.

Argentinako Adolfo Rubinstein Osasun ministroaren arabera, urtean 350.000 emakume inguruk ezkutuan abortatzen dute. Aldiz, Gobernuz Kanpoko Erakundeek diote. 500.000koa dela kopuru hori.

Mauricio Macri Argentinako lehendakaria, hasieran “biziaren alde” agertu arren, diskurtsoa moteltzen joan da. Ostera, Gabriela Michetti lehendakari ordea, abortuaren aurka azaldu da, baita emakumea bortxatua denean ere.

Senatuaren kanpoaldean bi kolore nagusitu dira:abortatzeko eskubidearen aldeko zapien berdea eta aurkakoen urdina. Hainbat lagun senatura sartzen ahalegindu da eta poliziak negar-gasa jaurti die.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abortu eskubidea  |  Argentina

Abortu eskubidea kanaletik interesatuko zaizu...
Azkenak
EGILEA
Eguneraketa berriak daude