Grebara deitu dituzte sektore publikoko 150.000 langile Araban, Bizkaian eta Gipuzkoan
Urriaren 25erako eta abenduaren 19arako egin dute deialdia. Sindikatuek salatu dute sektore publikoak "nabarmen" egin duela okerrera, baita bertako langileen baldintzek ere.
Sindikatuek greba deialdia egin dute Araba, Bizkai eta Gipuzkoako sektore publikoan urriaren 25ean eta abenduaren 19an. LAB, ELA, CCOO, SATSE, Steilas eta ESK sindikatuek egin dute deialdia, sektore publikoko ordezkaritza sindikalaren %85 osatzen dutenek. UGTk ez du bat egin grebarekin.
Sindikatuek ostiralean prentsaurrekoa egin dute Bilbon, eta guztira 150.000 langile deitu dituzte grebara. Alderdi politikoei eskatu diete Espainiako aurrekontuetan eragiteko eta EAEkoetan aldaketak egiteko.
Prentsaurrekoan salatu dute zerbitzu publikoak "nabarmen" egin duela okerrera, eta lan-baldintzak okertu egin direla. Horren adibidetzat jo dituzte, besteak beste, honako puntuak: murrizketak, plantilla urriak, lan-kargak handitzea eta ordezkapenik ez egitea.
Nabarmendu dute sektore publikoa pribatizatzen ari direla, eta dagoeneko 100.000 langile inguru daudela azpikontratatuta. Behin-behinekotasun tasak "onartezinak" direla azpimarratu dute, eta hori are handiagoa dela emakumeen artean. Azaldu dute lan-baldintzen okertzeak gehiago eragiten duela emakumeengan, esaterako, lanaldi partzialak orokorragoak direla sektore feminizatuenetan eta soldata arrakala %25 baino handiagoa dela.
Sindikatuen arabera, euskal erakundeek superabita izaten jarraitzen dute: "Gizarte premiak larriagotzen eta zerbitzu publikoak okertzen diren bitartean euskal gizarteak sortutako 10.000 milioi euro bankuetan gordeta dituzte".
Sindikatuen eskakizunak
Euskal erakundeei negoziazio-mahaietan zenbait neurri adosteko eskatu diete. Alde batetik, soldatak %10 igotzea. Enpleguari dagokionez, pribatizazio berririk ez egitea eta jada pribatizatutakoa publifikatzeko plana adostea, behin-behinekotasuna %8 baino txikiagoa izatea, jardunaldi partzialik ez inposatzea, eta plantillak gaztetzeko neurriak hartzea.
Lan-osasunari dagokionez, eskatu dute lan-kargak murrizteko neurriak adostea eta langileen ongizatea bermatzeko arriskuak ebaluatzea. Administrazioaren "benetako euskalduntzea" bermatzeko planak adosteko beharra azpimarratu dute, horretarako lehen aldiz lanpostu publiko bat betetzean euskararen ezagutza duten langileak hautatuta eta jada lanean daudenei euskalduntzeko baliabideak eskainita. Azkenik, "berdintasunerako benetako urratsak" ekarriko dituzten neurriak hartzea eskatu dute, besteak beste, berdintasun-plan erreal eta eraginkorrak negoziatzea.
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]
Correosen bidalketa zerbitzuan "kaosa" eta "kolapsoa" nagusi den bitartean, enpresa publikoak Axa aseguru etxearekin akordio bat iragarri berri du. Ekainaren 1erako, Correosek Espainiako Estatu osoan dituen 800 bulegoetan Axaren aseguruak egin ahal izango dituzte... [+]
Correosen “kaos” egoera salatu zuen Gasteizko LAB sindikatuak apirilaren 16an. Hilabetetan bidalketak “kolapsatuta” egon direla jakinarazi zuen, eta Alde Zaharra, Salburua eta Santa Luzia auzoetarako soilik 10.000 posta bidalketa zeudela pilatuta... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Manifestazioa astelehenean, maiatzak 26, izango da 18:30ean Gasteizko Plaza Berritik. ELA, LAB eta ESK sindikatuek deitutako manifestazioan eskatuko dute grebari hasiera eman zion hitzarmen propioa lortzea.
Bridgestone Japoniako pneumatikoen multinazionalak Basauriko eta Puente San Migueleko (Kantabria) fabriketan dituen 420 langileri eragingo die CCOO, UGT eta BuB sindikatuek astelehenean sinatuko duten erregulazio espedienteak. Ostiralean egindako bozketan, Basauriko plantan... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Ostia kolektiboko milintanteek 8.742 euro ordaindu beharko dizkiote Bouygues enpresari, eta beste 2.000 euro abokatuen gastuentzat. 2022ko abenduan buruturiko desobedientzia ekintzan promotore horren maketa bat zikindu izanagatik zigortu dituzte.
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Zuzendari nagusiak eta zuzendari editorialak egindako "jazarpen eta errrepresalia kasu larria" salatu dute enpresa batzordeak eta ELA sindikatuak.
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]