Seaskak 25 irakasle lanpostu eskatzen ditu, eta Euskararen Erakunde Publikoak dio hamabost behar direla gutxienez. Hala ere, Frantziako Hezkuntza Ministerioak 5,5 lanpostu soilik eskaini ditu.
Hala, mobilizazioak egiten jarraitzen dute eta ekainaren 13an, 14:00tan, Uztaritzeko Akademia Ikuskaritzan Seaskako irakasle eta langileak elkartuko dira 25 irakasle lanpostuak eskatzeko. Beltzez jantzita joateko deia egin dute, Seaskako ikastolek bizi duten arrisku egoera azaleratzeko.
Maider Aguerre Azkarateko Ikastolako irakaslea da eta kazeta.info hedabideari eskainitako elkarrizketan dioenez, 2018-2019 ikasturterako antolaketa oztopatzen ari da egoera. Iraileko sartzea ekaina hasieran prest izaten dute normalki. Aguerrek eman duen datuaren arabera, irailean 230 ikasle gehiago izango dira Seaskan eta emendatze horri aurre egiteko Frantziako Hezkuntza Ministerioak 5,5 lanpostu proposatzen ditu. Seaskak 25 beharko dituela uste du. Agurreren ustez, “5,5 lanpostu gehiagorekin ikastolen bi heren baino gehiago baldintza txarretan arituko lirateke”.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.