Sare sozialetan "terrorista potentzialak" bilatzeko sistema garatuko du Espainiak
Espainiako Barne Ministerioak sare sozialetan "terroristak" eta "bestelako gaizkileak" atzemateko sistema informatikoa garatu nahi du. Eskaintza publikoa egin du horretarako eta hegazkina edo trena hartu baino lehen identifikatzea dela helburua diote. Tresnaren betebeharren artean dago sareko milaka erabiltzaileren “profil demografiko eta soziologikoa” sortzea.
Erremintaren helburuak 58 orrialdeko txostenean jaso ditu Espainiako Estatuaren Segurtasun Idazkaritzak. Baldintzetan ikusi daitekeenez, tresnak emailak, dei erregistroak eta ohar klinikoak aztertu beharko ditu hauek nondik aterako dituzten zehaztu gabe.
Horrez gain, informazio guztia sistema batean gordetzen joango dira, herritarren “informazioaren historiala” osatzeko.
Jaso beharreko informazioa Twitter, Google Plus, Linkedln, Tumblr, Instagram eta Flickr sarez sozialetan, YouTube, Vimeo eta LiveLeak multimedia kanaletan eta Google, Bing, Yahoo y Duck Duck Go bilatzaileetatik jaso beharko du. Foro, blog eta bestelako orrien informazioa ere eskuratu beharko du tresnak.
Harrigarria da munduan erabiltzaile gehien dituen Facebook zerrendatik kanpo utzi dutela, Eldiario.es-ek argitaratu duenez.
Sarean topatutako informazioaz gain, bidaiariek hiri eta aireportuetan zehar uzten duten hatz-aztarnaren bidez ere sistema informatikoa osatu nahi du ministerioak. “Erraz ikusi ezin daitezkeen elementuak aurkitu eta erabakiak hartzea” da erremintaren funtsa. 1.633.500 euroko adjudikazioa eskaini du sistema hau garatzeko Espainiako Barne Ministerioak.
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]