Saratxon eraikiko duten Ekiola Parke Fotovoltaikoari argi berdea eman dio Amurrioko Udalak

  • Amurrioko Udalak onartu du Ekiola Parke Fotovoltaikoaren eraikuntza bideratuko duen Plan Berezia. Urtarrilean hasiko dituzte lanak Saratxo inguruan. Ekoizpen plantak 15.000 metro karratuko azalera izango du eta 2.300 plaka instalatuko dituzte bertan.


2023ko abenduaren 22an - 07:12
Arabako Foru Aldundiak, Energiaren Euskal Erakundeak eta Mondragon Taldeak sustatu dute ekimena. / Alea.eus

Azaroko Amurrioko Udal Osoko bilkurak argi berdea eman zion Ekiola Parke Fotovoltaikoari. Arabako Foru Aldundiak, Energiaren Euskal Erakundeak eta Mondragon Taldeak sustaturik, 2022ko apirilean aurkeztu zuten eguzki-plaken instalazio bat eskualdean garatzeko egitasmoa. Hainbat proposamen aztertu ostean 2022ko abenduan jarri zuten mahai-gainean instalazioa Saratxo inguruan eraikitzeko aukera.

Proposamenari ez zitzaion aurkako alegaziorik aurkeztu, Amurrioko Udalak azaldu duenez. Ekonomia Gaietarako eta Eraldaketa Digitalerako Ministerioko, Foru Aldundiko Errepide Zerbitzuko, Nekazaritza Saileko eta Trantsizio Ekologikorako eta Erronka Demografikorako Ministerioko aldeko txostenak jaso zituen.

2.300 eguzki plaka

Txerra Molinuevo alkateak Plan Bereziaren behin betiko onarpena sinatuta, 2024ko urte hasieran hasiko dituzte planta fotovoltaikoa eraikitzeko lanak. Hain zuzen ere, Aldaiturriaga kalearen amaieran instalatuko dituzte eguzki plakak, Saratxoko bihurguneen gainean.

Guztira 15.000 metro karratuko azalera hartuko du instalazioak. Bertan 2.300 eguzki-plaka instalatzea da asmoa, 1MW potentziakoak.

Instalazioa kudeatuko duen Aiarako Ekiola S. Coop. enpresak hogeita hamar urterako alokatu du lursaila. Vocento taldeak zabaldu duenaren arabera hasierako inbertsioa 1,8 milioi eurokoa izango da, eta %40 Europako Next Generation funtsekin finantzatuko dute. "Ekimen honek Amurrion energia berriztagarria sustatzen laguntzea espero da, ingurumenarekin eta garapen iraunkorrarekin bat eginez", azaldu du Molinuevok.


Kanal honetatik interesatuko zaizu: Energia berriztagarriak
Forestaliaren lau goi-tentsioko lineari helegitea jarri die Nafarroako Gobernuak

Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.


2024-04-15 | Estitxu Eizagirre
Lurraren defentsan mobilizazioa
"Ez da trantsizioa, espekulazioa da"

Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]


2024-04-10 | Estitxu Eizagirre
Lurraren defentsan mobilizazio eguna apirilaren 13an Azpeitian
“Enpresen eskuetan gaude eta politikan ez dago horri galga jarriko dion inor; hori are larriagoa da”

Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.


Munduan leku bat

Gutako batzuk hemen jaio ginen, zoriak erabaki zuen populazioaren %11 honen parte izango ginela. Beste batzuek erabaki genuen landatarrak izatea, eta lurraldearen %89an bizitzea. Denok onartu dugu hemen bizitzeak aparteko zailtasunak dituela, administraziotik ez dutela indar... [+]


2024-04-08 | Estitxu Eizagirre
Lurraren defentsan topaketak eta manifestazioa deitu ditu EH Bizirikek larunbata honetan Azpeitian

Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]


Eguneraketa berriak daude