Santiago zubia 9.812 aldiz, Melillako hesitik Hendaiakora

  • Bide gurutzea performancea hasiko du Imanol Espinazok igandean, Irun eta Hendaia batzen dituen Santiago zubiaren eta Melillako hesiaren arteko distantzia oinez eginez.


2022ko abuztuaren 26an - 13:28
Argazkia: Bide gurutzea / Imanol Espinazo

1.099 kilometro dira Melillako hesitik Santiago zubiraino. Horiek oinez eta Santiago zubian irudikatu nahi ditu Imanol Espinazok Bide gurutzea performancean. Adierazi duenez, hesi bat gehiago da Frantziako Poliziak egunean 24 orduz zaintzen duen oinezkoentzako zubia, bertatik Espainiako eta Frantziako estatuen arteko muga igarotzea galarazten duena.

Azken urtean bederatzi lagun hil dira Bidasoako mugan, eta hala kontatu du Espinazok: “Hendaiako gainontzeko biztanleak bezala, muga zeharkatzen saiatzen direnek pairatzen dituzten ondorioen eguneroko lekuko naiz”. Hori dela eta ibiltzea erabaki du Espinazok. Astebetez egunero joango da Santiago zubira, bertan Melillako hesia eta zubia bereizten dituen kilometroak egiteko. Isilik ibiliko da, eta parte hartu nahi duen oro gonbidatu du bidea berarekin batera egitera. 9.812 joan-etorri behar dira 1.099 kilometroak egiteko.

Hain zuzen ere, astebetez egun osoa ibilita ere nekez egin dezake pertsona bakarrak luzera hori, eta oinez parte hartzen duten pertsonen joan-etorriak zenbatuko dituzte, bidaia laburragoa eta partekatua eginez.


Kanal honetatik interesatuko zaizu: Migrazioa
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


2024-05-03 | Antxeta Irratia
Hendaiako erretentzio zentroan %34 pertsona gehiago atxilotu zuten iaz

Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.


2024-04-25 | Gedar
Pertsona migratuak preso izateko zentro bat eraikiko du Espainiko Gobernuak Alborango irlatxoan

Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.


Uztailean hasi nahi du Erresuma Batuak migratzaileak Ruandara deportatzen

Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]


Eguneraketa berriak daude